ചെന്നൈ: മുന് ഇന്ത്യന് ക്യാപ്റ്റന് എംഎസ് ധോനി നല്കിയ കോടതിയലക്ഷ്യ കേസില് ഐപിഎസ് ഉദ്യോഗസ്ഥന് സമ്ബത്ത് കുമാറിന് 15 ദിവസം തടവുശിക്ഷ വിധിച്ച് മദ്രാസ് ഹൈക്കോടതി.സുപ്രീം കോടതിക്കും ഹൈക്കോടതിക്കും എതിരെ നടത്തിയ പരാമര്ശങ്ങള് ചൂണ്ടിക്കാട്ടിയാണ് ധോനി സമ്ബത്ത് കുമാറിനെതിരെ കോടതിയലക്ഷ്യ കേസ് ഫയല് ചെയ്തത്.
ഇതില് നല്കിയ എതിര് സത്യവാങ്മൂലത്തിലാണ് സമ്ബത്ത് കുമാര് ജുഡീഷ്യറിക്കെതിരെ പരാമര്ശം നടത്തിയത്.ഐപിഎല് ബെറ്റിങ് വിവാദവുമായി ബന്ധപ്പെട്ട് നൂറു കോടി നഷ്ടപരിഹാരം ആവശ്യപ്പെട്ട് ധോനി അപകീര്ത്തി കേസ് നല്കിയിരുന്നു.സമ്ബത്ത് കുമാറിന് അപ്പീല് നല്കുന്നതിനായി ശിക്ഷ 30 ദിവസത്തേക്കു സസ്പെന്ഡ് ചെയ്യുന്നതായും ജസ്റ്റിസുമാരായ എസ്എസ് സുന്ദറും സുന്ദര് മോഹനും ഉത്തരവിട്ടു.