കൊച്ചി : ചികിത്സിക്കാനെന്ന വ്യാജേന കൊച്ചിയിലെ ക്ലിനിക്കിലേക്ക് വിളിച്ചുവരുത്തി യുവ ഡോക്ടറെ ക്രൂരമായി മർദിച്ച് പരിക്കേൽപ്പിക്കുകയും മൊബൈൽ ഫോണുകൾ കവരുകയും ചെയ്ത കേസിൽ യുവനടിയും അഭിഭാഷകയുമായ അതുല്യ ചന്ദ്ര അറസ്റ്റില്‍. ഈ മാസം രണ്ടിനാണ് സംഭവം. മൂന്ന് ലക്ഷം രൂപ വിലമതിക്കുന്ന മൊബൈൽ ഫോണുകളാണ് കവർന്നത്. കേസിൽ പന്ത്രണ്ടു പ്രതികളാണുള്ളതെന്നാണ് വിവരം. അതുല്യ ഉൾപ്പെടെ മൂന്ന് പേരാണ് അറസ്റ്റിലായിട്ടുള്ളത്.
ആലപ്പുഴ : എസ്ഡിപിഐ സംസ്ഥാന സെക്രട്ടറി കെഎസ് ഷാൻ വധക്കേസിൽ വിചാരണ നടപടികൾ നീട്ടിവെച്ചു. നടപടികൾ നവംബർ 20 മുതൽ ആരംഭിക്കും. വിചാരണ മാറ്റിവെക്കണമെന്നാവശ്യപ്പെട്ട് പ്രതിഭാഗം സമർപ്പിച്ച അഡ്ജേൺമെന്റ് ഹർജി പരിഗണിച്ചാണ് കോടതി ഉത്തരവ്. മഹാരാജാസ് കോളേജിലെ അഭിമന്യു വധക്കേസുമായി ബന്ധപ്പെട്ട് ഹൈക്കോടതിയിൽ ഹാജരാകേണ്ടതുണ്ടെന്ന് പ്രതിഭാഗം അഭിഭാഷകൻ കോടതിയെ അറിയിച്ചിരുന്നു. ഇത് പരിഗണിച്ചാണ് വിചാരണ തീയതി മാറ്റി നിശ്ചയിച്ചത്. 2021 ഡിസംബർ 18നാണ് ആലപ്പുഴ മണ്ണഞ്ചേരിക്ക് സമീപത്തുവെച്ച് കാറിലെത്തിയ സംഘം കെഎസ് ഷാനിനെ വെട്ടി കൊലപ്പെടുത്തിയത്. ആർഎസ്എസ് […]
കട്ടപ്പന : ആറുമാസം പ്രായമുള്ള കുഞ്ഞിനെ വിൽക്കാൻ ശ്രമിച്ച സംഭവത്തിൽ അസം സ്വദേശികളായ മാതാപിതാക്കളും ഇടനിലക്കാരനും പിടിയിൽ. ഇടുക്കി കട്ടപ്പനയിലാണ് സംഭവം. കുട്ടിയുടെ മാതാപിതാക്കളായ അസം മുക്താപുർ സ്വദേശി പ്രദീപ് ദാസ് (26), ഭാര്യ ശിമ ദാസ് (28), ഇടനിലക്കാരനായി പ്രവർത്തിച്ച ഗോലാഹട്ട് സ്വദേശി രാജു എന്ന ജാഡു ഗോഗി (39) എന്നിവരെയാണ് കട്ടപ്പന പോലീസ് അറസ്റ്റ് ചെയ്തത്. രഹസ്യ വിവരത്തെ തുടർന്ന് വില്പന നടത്തുന്നതിനിടയിൽ ഇവരെ പിടികൂടുകയായിരുന്നു. സാമ്പത്തിക പ്രതിസന്ധിയെ തുടർന്നാണ് കുഞ്ഞിനെ വിൽക്കാൻ മുതിർന്നതെന്നാണ് […]
കാസർകോട്: സഹപാഠിയുടെ സീറ്റിൽ ഇരുന്നതിനെ ചൊല്ലിയുള്ള തർക്കത്തിൽ പ്ലസ് വൺ വിദ്യാർത്ഥിക്ക് ക്രൂരമർദനം. കാസർകോട് ചീമേനി ഗവ. ഹയർ സെക്കൻഡറി സ്കൂളിലാണ് സംഭവം. ഏറ്റുകുടുക്ക സ്വദേശിയായ വിദ്യാർത്ഥിക്കാണ് സഹപാഠികളുടെ മർദനമേറ്റത്. മർദനത്തിൽ തലയ്ക്ക് ഗുരുതരമായി പരിക്കേറ്റ വിദ്യാർത്ഥിയെ പയ്യന്നൂരിലെ ബേബി മെമ്മോറിയൽ ആശുപത്രിയിൽ പ്രവേശിപ്പിച്ചു. സ്കൂളിലെ മറ്റൊരു വിദ്യാർത്ഥി ഇരിക്കുന്ന സീറ്റിൽ ഇരുന്നതിനെ ചൊല്ലിയുണ്ടായ തർക്കമാണ് അക്രമത്തിൽ കലാശിച്ചത്. സംഭവത്തെ തുടർന്ന് കുറ്റക്കാരായ അഞ്ച് വിദ്യാർത്ഥികളെ സ്കൂളിൽ നിന്ന് പുറത്താക്കിയതായി പ്രിൻസിപ്പൽ അറിയിച്ചു.
കോഴിക്കോട്: സ്കൂളിലേക്ക് പോവുകയായിരുന്ന വിദ്യാർത്ഥിനിയോട് അപമര്യാദയായി പെരുമാറുകയും നഗ്നതാ പ്രദർശനം നടത്തുകയും ചെയ്ത സംഭവത്തിൽ യുവാവിനെ പോലീസ് അറസ്റ്റ് ചെയ്തു. കോഴിക്കോട് കല്ലായി കോതി ബീച്ച് സ്വദേശിയായ അൻഷാദ് (33) ആണ് പോലീസിന്റെ പിടിയിലായത്. കഴിഞ്ഞ മാസം 28-നാണ് കേസിനാസ്പദമായ സംഭവം നടക്കുന്നത്. രാവിലെ സ്കൂളിലേക്ക് പോവുകയായിരുന്ന വിദ്യാർത്ഥിനിയെ കുണ്ടായിത്തോട് ഓവുപാലത്തിന് സമീപത്തുവെച്ച് ഇയാൾ പിന്തുടരുകയായിരുന്നു. തുടർന്ന് വഴി ചോദിക്കാനെന്ന വ്യാജേന സമീപിച്ച പ്രതി പെൺകുട്ടിയോട് അപമര്യാദയായി പെരുമാറി. ഭയന്നുപോയ വിദ്യാർത്ഥിനി വേഗത്തിൽ നടന്നുപോയെങ്കിലും വീണ്ടും പിന്തുടരുകയും […]
തിരുവനന്തപുരം: കേരള പി.എസ്.സി. പരീക്ഷാ ക്രമക്കേടുമായി ബന്ധപ്പെട്ട് ബി.ജെ.പി. സംസ്ഥാന നേതൃത്വം ഇന്ന് രാഷ്ട്രപതി ദ്രൗപദി മുർമുവുമായി കൂടിക്കാഴ്ച നടത്തും. ഉച്ചയ്ക്ക് 12 മണിക്ക് ബി.ജെ.പി. സംസ്ഥാന അധ്യക്ഷൻ രാജീവ് ചന്ദ്രശേഖർ, എം.പി.മാരായ സി. സദാനന്ദൻ, പി.ടി. ഉഷ എന്നിവരുടെ നേതൃത്വത്തിലാണ് രാഷ്ട്രപതിയെ കാണുന്നത്. മുൻ ഗവർണർ രാജേന്ദ്ര വിശ്വനാഥ അർലേക്കർ രാഷ്ട്രപതിക്ക് നൽകിയ ശിപാർശക്കത്തിന്റെ അടിസ്ഥാനത്തിൽ വിഷയത്തിൽ അടിയന്തര ഇടപെടൽ ആവശ്യപ്പെടാനാണ് കൂടിക്കാഴ്ച. അതിനിടെ, പി.എസ്.സി. ചെയർമാനെയും അംഗങ്ങളെയും പിരിച്ചുവിടണമെന്ന മുൻ ഗവർണറുടെ നിലപാടിനെ പിന്തുണച്ച് […]
