മലപ്പുറം: മഞ്ചേരി പോപുലർ ഫ്രണ്ട് കേന്ദ്രങ്ങളിൽ ഇ ഡി റെയ്ഡ്.മഞ്ചേരി ഗ്രീൻ വാലിയിലാണ് ഇ ഡിയുടെ പരിശോധന നടക്കുന്നത്.എൻഐഎ നേരത്തേ ഗ്രീൻ വാലി സീൽ ചെയ്തിരുന്നു.ട്രസ്റ്റിന് മറവിൽ കള്ളപ്പണം വെളുപ്പിച്ചെന്ന സംശയത്തിലാണ് റെയ്ഡ് നടക്കുന്നത്.
മുൻ പോപ്പുലർ ഫ്രണ്ട് പ്രവർത്തകരായ മഞ്ചേരി കിഴക്കേത്തല സ്വദേശി അബ്‌ദുൽ ജലീൽ, കാരാപറമ്പ് സ്വദേശി ഹംസ, അരീക്കോട് സ്വദേശി നൂറുൽ അമീൻ എന്നിവരുടെ വീടുകളിൽ ഇന്നലെ റെയ്ഡ് നടത്തിയിരുന്നു.റെയ്ഡിൽ കിഴക്കേ തലയിൽ നിന്നും രേഖകൾ പിടിച്ചെടുത്തിരുന്നു.
അതിനു പിന്നാലെയാണ് ഗ്രീൻവാലി യിൽ ഇപ്പോൾ റൈഡ് നടക്കുന്നത്.റെയ്ഡിൽ പോലീസ് സംഘവും ഉണ്ട്.കേരളത്തിലേക്ക് തീവ്രവാദ പ്രവർത്തനങ്ങൾക്ക് ഹവാല പണം വന്നുവെന്ന വിവരത്തിലാണ് പരിശോധന നടക്കുന്നത്.നേരത്തെ എൻഐഎ അറസ്റ്റ് ചെയ്ത പ്രതികളിൽ നിന്ന് ഇത് സംബന്ധിച്ച് ഇഡിക്ക് വിവരങ്ങൾ ലഭ്യമായിരുന്നു.
