കൊച്ചി: കരുവന്നൂര് ബാങ്കുമായി ബന്ധപ്പെട്ട കളളപ്പണ ഇടപാടു കേസില് വ്യവസായി ഗോകുലം ഗോപാലനെ ഇഡി ചോദ്യം ചെയ്യുന്നു.നാല് കോടിയുടെ ഇടപാടുമായി ബന്ധപ്പെട്ടാണ് ഗോകുലം ഗോപാലനെ ഇഡി ചോദ്യം ചെയ്യല്.ഇന്ന് രാവിലെ മുതല് ആരംഭിച്ച ചോദ്യം ചെയ്യല് തുടരുകയാണ്.
കൊച്ചിയിലെ എന്ഫോഴ്സ്മെന്റ് ഡയറക്ടറേറ്റ് ഓഫീസില് വച്ചാണ് ചോദ്യം ചെയ്യല് നടക്കുന്നത്.ചോദ്യം ചെയ്യലിനായി ഇന്ന് ഹാജരാകണമെന്ന് ആവശ്യപ്പെട്ട് ഇഡി സമന്സ് അയച്ചിരുന്നു.ബാങ്കിലെ ഡെയ്ലി ഡെപ്പോസിറ്റ് സ്കീമുമായി ബന്ധപ്പെട്ടും കേസിലെ പ്രതികളുമായുള്ള ഇടപാടുകളെ സംബന്ധിച്ചുമാണ് ചോദ്യം ചെയ്യല് എന്നാണ് റിപ്പോര്ട്ടുകള്.
എന്നാൽ തന്നെ ചോദ്യം ചെയ്തത് കസ്റ്റമര് അനില്കുമാറുമായി ബന്ധപ്പെട്ടാണെന്ന് ഗോകുലം ഗോപാലന് മാധ്യമങ്ങളോട് പറഞ്ഞു.കരുവന്നൂര് കേസുമായി നേരിട്ട് തനിക്ക് യാതൊരു ബന്ധവുമില്ലെന്നും അനില് കുമാറിന്റെ ഡോക്യുമെന്റ്സ് തന്റെ കൈവശമുണ്ട്,അതിന്റെ വിശദീകരണം ചോദിക്കാനാണ് ഇഡി വിളിപ്പിച്ചതെന്നും ഗോകുലം ഗോപാലന് പറഞ്ഞു.