തൃശൂര്: കരുവന്നൂര് സഹകരണബാങ്ക് തട്ടിപ്പുമായി ബന്ധപ്പെട്ട ഹര്ജി കോടതി ഇന്ന് പരിഗണിക്കും.കേസില് അറസ്റ്റിലായ സിപിഎം കൗണ്സിലര് പി ആര് അരവിന്ദാക്ഷനെയും ബാങ്ക് ജീവനക്കാരന് ജില്സിനെയും കസ്റ്റഡിയില് വേണമെന്ന ഇഡിയുടെ ആവശ്യം കോടതി ഇന്ന് പരിഗണിക്കും.
കേസില് സാക്ഷികളുടെ ചോദ്യം ചെയ്യല് തുടരുകയാണ്.പെരിങ്ങണ്ടൂര് ബാങ്ക് സെക്രട്ടറി ടി ആര് രാജനെ കഴിഞ്ഞ ദിവസങ്ങളില് ഇഡി ചോദ്യം ചെയ്തിരുന്നു.പ്രതികളുടെ കൂടുതല് അക്കൗണ്ട് വിവരങ്ങള് കണ്ടെത്തുന്നതിന് കസ്റ്റഡിയില് വെച്ചുള്ള ചോദ്യം ചെയ്യല് വേണമെന്നാണ് ഇഡി വ്യക്തമാക്കിയിട്ടുണ്ട്.
കുടുംബാംഗങ്ങളുടെ അക്കൗണ്ട് വിശദാംശങ്ങള് ചോദ്യം ചെയ്യല് സമയത്ത് ആവശ്യപ്പെട്ടപ്പോള് അരവിന്ദാക്ഷൻ നല്കാൻ തയാറായില്ല.പിന്നീട് ബാങ്ക് സെക്രട്ടറി നല്കിയ രേഖയില് അരവിന്ദാക്ഷന്റെ 90കാരിയായ അമ്മ ചന്ദ്രമതിയുടെ പേരില് അക്കൗണ്ട് ഉണ്ടെന്നും 63 ലക്ഷം രൂപയുടെ ഇടപാട് നടന്നുവെന്നും വ്യക്തമായി.