കൊച്ചി: മാധ്യമപ്രവര്ത്തകയോട് അപമര്യാദയായി പെരുമാറി എന്ന കേസില് നടനും ബിജെപി നേതാവുമായ സുരേഷ് ഗോപി ഹൈക്കോടതിയില് മുന്കൂര് ജാമ്യഹര്ജി നല്കി.കേസില് സുരേഷ് ഗോപിക്കെതിരെ ഗുരുതര വകുപ്പുകള് ചുമത്തിയ സാഹചര്യത്തിലാണ് മുന്കൂര് ജാമ്യഹര്ജി നല്കിയത്.ഒക്ടോബര് 27നാണ് കേസിനാസ്പദമായ വിവാദ സംഭവം നടന്നത്.സുരേഷ് ഗോപി അപമര്യാദയായി പെരുമാറിയെന്ന മാധ്യമപ്രവര്ത്തകയുടെ പരാതിയിലാണ് പൊലീസ് കേസെടുത്തത്.പിന്നീട് സ്ത്രീത്വത്തെ അപമാനിച്ചു എന്ന് ചൂണ്ടിക്കാട്ടി തനിക്കെതിരെ 354-ാം വകുപ്പ് ചുമത്തി റിപ്പോര്ട്ട് നല്കുകയായിരുന്നുവെന്നും സുരേഷ് ഗോപി ആരോപിച്ചു.