ജെയിംസ് മാത്യു അഭിമുഖങ്ങളോട് വലിയ ആഭിമുഖ്യമുള്ള ആളല്ല. ഉടൻ പ്രതികരണങ്ങളിലൂടെ മാധ്യമ ശ്രദ്ധ നിലനിർത്താൻ വ്യഗ്രതയുള്ള കൂട്ടത്തിലുമല്ല. മുഴുവൻ സമയ പാർട്ടി പ്രവർത്തനത്തിനും ഇപ്പോൾ ഇടവേള നൽകിയിരിക്കുന്നു. ഒരു സ്വപ്നത്തിൻ്റെ പിറകേയാണ് ജെയിംസ് മാത്യു ഇപ്പോൾ. അപ്പോഴും പാർട്ടി നേരിടുന്ന വെല്ലുവിളികളെയും സഖാക്കളിൽ കാണുന്ന നല്ലതും അല്ലാത്തതുമായ പ്രവണതകളെയും പറ്റി ഉയരുന്ന ചോദ്യങ്ങളോട് പ്രതികരിക്കാൻ ജെയിംസ് മാത്യു തയാറായി.
പിണറായിയെ വിമർശിക്കാൻ മടിക്കുന്നത്, പി.ജയരാജൻ പോകുന്ന വഴി, പി.ശശിയുടെ ശക്തമായ തിരിച്ചു വരവ്, എം.വി.ഗോവിന്ദൻ മാസ്റ്ററോടും പി.കെ.ശ്യാമളയോടും കൊമ്പുകോർത്ത ആന്തൂർ വിവാദം….എല്ലാം ചോദ്യങ്ങളായി ഉയർന്നു. അതിന് ജെയിംസ് മാത്യു നൽകിയ ഉത്തരങ്ങളിലേയ്ക്ക്.