കൊച്ചി: ഐഎസ്എൽ ആവേശം കൊച്ചി മെട്രോയിലും.ഐഎസ്എൽ പത്താം സീസണിൻെറ ഉദ്ഘാടന മത്സരമായ ഇന്നലെ കലൂർ ജവഹർ ലാൽ നെഹ്റു സ്റ്റേഡിയത്തിൽ നടന്ന മൽസരം കാണാൻ എത്തിയ ആരാധകരിൽ നല്ലൊരു ഭാഗവും കൊച്ചി മെട്രോയെ ആശ്രയിച്ചതോടെ ഇന്നലെ മാത്രം യാത്ര ചെയ്തത് 1,25,950 പേർ.ഐഎസ്എൽ മത്സരം പ്രമാണിച്ച് 30 അധിക സർവീസുകളാണ് കൊച്ചി മെട്രോ നടത്തിയത്.സാധാരണ ദിവസം യാത്ര ചെയ്യാറുളളത് ഒരു ലക്ഷം പേരാണ്.2023ൽ വ്യാഴം ഉൾപ്പെടെ 24 തവണയാണ് യാത്രക്കാരുടെ എണ്ണം ഒരു ലക്ഷം കവിഞ്ഞത്.രാത്രി പത്തുമുതൽ ടിക്കറ്റ് നിരക്കിൽ 50 ശതമാനം ഇളവുണ്ട്.കൊച്ചിയിൽ മത്സരം നടക്കുന്ന ദിവസങ്ങളിലെല്ലാം രാത്രി 11.30 വരെ മെട്രോ അധിക സർവീസുണ്ടാകും.