യുവാക്കളെ ഹരംകൊള്ളിക്കാൻ ‘എൻജോയ്’ മാർച്ച് 17 മുതൽ തിയറ്ററുകളിലേക്ക്! പുതുതലമുറയെ ഉന്നംവെച്ച് പെരുമാൾ കാശി സംവിധാനം നിർവ്വഹിച്ച ചിത്രമാണ് ‘എൻജോയ്’.
മാർച്ച് 17ന് തിയറ്റർ റിലീസ് ചെയ്യാനൊരുങ്ങുന്ന ഈ ചിത്രം 2022 ഡിസംബർ 23 ന് പുറത്തിറങ്ങിയ തമിഴ് ചിത്രത്തിന്റെ മലയാളം പതിപ്പാണ്. എൽ.എൻ.എച്ച് ക്രിയേഷൻസിന്റെ ബാനറിൽ ലക്ഷ്മി നാരായണൻ അവതരിപ്പിക്കുന്ന ഈ ചിത്രത്തിൽ മദൻ കുമാർ, വിഘ്നേഷ്, ഹാരിഷ് കുമാർ, നിരഞ്ജന, അപർണ, ചാരുമിസ, സായ് ധന്യ, ഹസിൻ, യോഗി റാം, എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
പണത്തിന്റെ കൊഴുപ്പിൽ മൂന്ന് പെൺകുട്ടികൾ കോളേജിലും ഹോസ്റ്റലിലും കാണിച്ചുകൂട്ടുന്ന ആഡംബരങ്ങൾക്കും ആഘോഷങ്ങൾക്കുമൊപ്പം മൂന്ന് ചെറുപ്പക്കാർ ചേരുന്നതോടെ അരങ്ങേറുന്ന രസകര മുഹൂർത്തങ്ങളാണ് ചിത്രം പറയുന്നത്. കെ.എൻ അക്ബർ ഛായാഗ്രഹണം നിർവ്വഹിച്ച ചിത്രത്തിന്റെ ചിത്രസംയോജനം മണികുമാരാനും സംഗീതം കെ.എം രായനുമാണ് കൈകാര്യം ചെയ്തിരിക്കുന്നത്. സൻഹ ആർട്ട്സ് റിലീസാണ് ചിത്രം കേരളത്തിൽ വിതരണത്തിനെത്തിക്കുന്നത്.
