ചെന്നൈ: ബിഗ് ബോസ് തമിഴിന് കനത്ത തിരിച്ചടി; ജനപ്രിയ റിയാലിറ്റി ഷോയിൽ നിന്ന് കമൽ ഹാസൻ പിന്മാറുന്നതായി റിപ്പോർട്ടുകൾ. നിലവിൽ ബിഗ് ബോസ് സീസൺ 6 ഫൈനൽ ഘട്ടത്തിലാണ്.
ബിഗ് ബോസ് തമിഴിന്റെ ആറാമതത്തെ അവതാരകനായ കമൽഹാസൻ മികച്ച പ്രതിഫലം നൽകിയിട്ടും ടിവി പരമ്പര ഉപേക്ഷിക്കാൻ ഒരുങ്ങുകയാണ്. എല്ലാവരെയും നിരാശരാക്കിയ ഈ പെട്ടെന്നുള്ള തീരുമാനത്തിന് പിന്നിലെ കാരണമാണ് ആരാധകർക്കിടയിൽ ചർച്ചയാകുന്നത്.
അടുത്ത സീസണിലേക്ക് നിർമ്മാതാക്കൾ തുക വർധിപ്പിച്ചിട്ടുണ്ടെങ്കിലും ഷോയിൽ തുടരാൻ കമൽഹാസന് താൽപ്പര്യമില്ലെന്ന് മാധ്യമ റിപ്പോർട്ടുകൾ സൂചിപ്പിക്കുന്നു. ഇതുകൂടാതെ, ജോലിയുമായി ബന്ധപ്പെട്ട പ്രതിബദ്ധതകൾ കാരണം ഷോ ഹോസ്റ്റുചെയ്യുന്നതിൽ നിന്ന് ഒരു ഇടവേള എടുക്കാൻ നടനും താൽപ്പര്യപ്പെടുന്നുവെന്നും മറ്റ് റിപ്പോർട്ടുകൾ പറയുന്നു.
നടൻ ഷോയിൽ നിന്ന് പുറത്തുപോകുന്നതിനെക്കുറിച്ച് ചർച്ചചെയ്യപ്പെടുന്ന മറ്റൊരു ഘടകം ഏറ്റവും പുതിയ സീസണിലെ കുറഞ്ഞ ടിആർപിയാണ്, ഇത് അദ്ദേഹത്തെ വളരെയധികം നിരാശപ്പെടുത്തി . നേരത്തെ മത്സരാർത്ഥികളുടെ പ്രകടനത്തെക്കുറിച്ചും കമൽ മുന്നറിയിപ്പ് നൽകിയിരുന്നു. എന്നിരുന്നാലും, ഷോ ടിആർപി ചാർട്ടിൽ മികച്ച പ്രകടനം കാഴ്ചവയ്ക്കാത്തത് നടനെ സംബന്ധിച്ചിടത്തോളം വലിയ പോരായ്‌മയാണ്.
വിക്രം ആണ് കമൽ ഹാസൻറേതായി ഒടുവിൽ റിലീസ് ചെയ്ത ചിത്രം. ലോകേഷ് കനകരാജ് സംവിധാനം ചെയ്ത ചിത്രം ബോക്സ് ഓഫീസുകളിൽ റെക്കോർഡുകൾ സൃഷ്ടിച്ചിരുന്നു. കമൽ ഹാസനൊപ്പം വിജയ് സേതുപതി, ഫഹദ് ഫാസിൽ, ചെമ്പൻ വിനോദ് ജോസ്, കാളിദാസ് ജയറാം, നരെയ്ൻ എന്നിവരും പ്രധാന കഥാപാത്രങ്ങളെ അവതരിപ്പിച്ചു. രാജ്‍കമൽ ഫിലിംസ് ഇൻറർനാഷണലിന്റെ ബാനറിൽ കമൽഹാസനും ആർ മഹേന്ദ്രനും ചേർന്നാണ് വിക്രത്തിന്റെ നിർമ്മാണം.
നിലവിൽ 200 കോടി രൂപ ബഡ്ജറ്റിൽ ഒരുക്കുന്ന ‘ഇന്ത്യൻ 2’ ആണ് കമൽ ഹാസൻറേതായി അണിയറയിൽ ഒരുങ്ങുന്ന ചിത്രം. തെന്നിന്ത്യൻ പ്രേക്ഷകർ ഏറെ ആവേശത്തോടെ കാത്തിരിക്കുന്ന ചിത്രം സംവിധാനം ചെയ്യുന്നത് ഷങ്കർ ആണ്.
