കൊച്ചി: ‘ട്രങ്ക് എന്ന ഹൊറർ ത്രില്ലർ ചിത്രത്തിലൂടെ ഏറെ ശ്രദ്ധിക്കപ്പെട്ട റിഷിക ശർമ്മ സംവിധാനം ചെയ്യുന്ന ‘വിജയാനന്ദ്’ എന്ന ചിത്രത്തിന്റെ ആദ്യ ഒഫീഷ്യൽ ട്രെയിലർ റിലീസ് ചെയ്തു.ലോജിസ്റ്റിക്സ്, മീഡിയ തുടങ്ങി നിരവധി മേഖലകളിൽ പ്രശസ്തനായ,വി ആർ എൽ ഗ്രൂപ്പ് ഓഫ് കമ്പനികളുടെ മാനേജിംഗ് ഡയറക്ടറും പ്രൊമോട്ടറുമായ ഡോ.ആനന്ദ് ശങ്കേശ്വർ,ചലച്ചിത്ര നിർമ്മാണ രംഗത്തേക്ക് കടന്നു വരികയാണ്.
വി ആർ എൽ മീഡിയ പ്രൈവറ്റ് ലിമിറ്റഡിന്റെ മേൽനോട്ടത്തിൽ വി ആർ എൽ ഫിലിം പ്രൊഡക്ഷൻസിന്റെ ബാനറിൽ ആദ്യമായി അവതരിപ്പിച്ചക്കുന്ന ചിത്രമാണ് ‘വിജയാനന്ദ് . വിജയ് ശങ്കേശ്വരിന്റെ അതിശയകരവും ആവേശകരവും സംഭവബഹുലവുമായ ജീവിതകഥയാണ് ‘വിജയാനന്ദ് ‘ എന്ന ആദ്യ ചിത്രത്തിലൂടെ വി ആർ എൽ ഫിലിം പ്രൊഡക്ഷൻസ് അവതരിപ്പിക്കുന്നത്.1976-ൽ തുടങ്ങിയ അദ്ദേഹത്തിന്റെ സംരംഭം ഇന്ന് ഇന്ത്യയിലെ ഏറ്റവും വലിയ ലോജിസ്റ്റിക് കമ്പനിയായി അറിയപ്പെടുന്നു. വിജയ് ശങ്കേശ്വരിന്റെ വിജയയാത്രയിൽ അദ്ദേഹത്തിന്റെ മകൻ ഡോ. ആനന്ദ് ശങ്കേശ്വറിനൊപ്പം അവരുടെ പത്ര-മാധ്യമ രംഗവും കന്നടയിൽ ഏറെ അറിയപ്പെടുന്നു. വി ആർ എൽ ഫിലിം പ്രൊഡക്ഷൻസിന്റെ നിന്നുള്ള ആദ്യത്തെ ഔദ്യോഗിക, വാണിജ്യ ബയോപിക് ആയിരിക്കും ‘വിജയാനന്ദ് ‘. ദക്ഷിണേന്ത്യൻ ഭാഷകളായ മലയാളം, തമിഴ്, തെലുങ്ക് എന്നീ ഭാഷകളിലേക്ക് അവതരിപ്പിക്കുന്ന’വിജയാനന്ദിൽ’ട്രങ്ക്’ എന്ന ചിത്രത്തിലെ നായകനായ നിഹാലാണ് ചിത്രത്തിൽ വിജയ് ആയി അഭിനയിക്കുന്നത്.
ഈ ജീവചരിത്ര ചിത്രത്തിൽ ശങ്കേശ്വർ. അനന്ത് നാഗ്, വിനയ പ്രസാദ്, വി രവിചന്ദ്രൻ, പ്രകാശ് ബെലവാടി, അനീഷ് കുരുവിള, തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. മലയാളത്തിലെ പ്രശസ്ത സംഗീത സംവിധായകൻ ഗോപി സുന്ദറാണ് ഈ ചിത്രത്തിൽ സംഗീത സംവിധാനം നിർവഹിക്കുന്നത്. ചിത്രംഡിസംബർ ഒമ്പതിന്‌കേരളത്തിലും റിലീസ് ചെയ്യും.
