ന്യൂസിലന്റ് ദക്ഷിണാഫ്രിക്ക ലോകകപ്പ് സന്നാഹ മത്സരത്തിൽ ദക്ഷിണാഫ്രിക്കയ്ക്ക് തകർപ്പൻ ജയം. ന്യൂസിലന്റിനെതിരെ 9 വിക്കറ്റിനാണ് ദക്ഷിണാഫ്രിക്കയുടെ ജയം. ടോസ് നേടിയ ദക്ഷിണാഫ്രിക്ക കിവീസിനെ ബാറ്റിംഗിനയക്കുകയായിരുന്നു. 17.1 ഓവറിൽ 98 റൺസിന് കിവീസ് ഓൾ ഔട്ട് ആയി. 26 റൺസെടുത്ത മാർട്ടിൻ ഗപ്റ്റിലാണ് ന്യൂസിലന്റിന്റെ ടോപ് സ്കോറർ. ഗ്ലെൻ ഫിലിപ്സ് 20 റൺസ് എടുത്തു. ഏഴ് ബാറ്റർമാർ രണ്ടക്കം കാണാതെ പുറത്തായി. കേശവ് മഹാരാജ് 3 വിക്കറ്റ് എടുത്തു. വെയ്ൻ പാർനൽ, തബ്രെയ്സ് ഷംസി എന്നിവർ 2 വിക്കറ്റ് വീതം വീഴ്ത്തി. മറുപടി ബാറ്റിംഗിൽ 11.2 ഓവറിൽ 1 വിക്കറ്റ് മാത്രം നഷ്ടപ്പെടുത്തി ദക്ഷിണാഫ്രിക്ക ലക്ഷ്യം കണ്ടു. അർധ സെഞ്ച്വറി നേടിയ റൈലി റൂസ്സോയാണ് ടോപ് സ്കോറർ. റീസ ഹെൻട്രിക്കസ് 27 റൺസെടുത്തു. ദക്ഷിണാഫ്രിക്കയ്ക്ക് ബംഗ്ലദേശുമായും ന്യൂസിലന്റിന് ഇന്ത്യയുമായും സന്നാഹ മത്സരം ഉണ്ട്.
