ട്വന്റി 20 ലോകകപ്പിലെ ഓരോ ടീമിന്റെയും മത്സരക്രമം എങ്ങനെയെന്ന് നോക്കാം. ലോകകപ്പിൽ ആദ്യ റൗണ്ടിൽ ഉൾപ്പെട്ട ടീമുകളും സൂപ്പർ 12 ലേക്ക് നിലവിൽ യോഗ്യത നേടിയ ടീമുകളും പ്രധാന മത്സരങ്ങൾക്ക് മുമ്പ് സന്നാഹ മത്സരങ്ങൾ കളിക്കണം.
ഗ്രൂപ്പ് എയിൽ നമീബിയ, ശ്രീലങ്ക, നെതർലൻഡ്സ്, യുഎഇ, ഗ്രൂപ്പ് ബിയിൽ അയർലന്റ്, സിംബാബ്വേ, സ്കോട്ലന്റ് വെസ്റ്റ് ഇൻഡീസ് എന്നിവർ ഉൾപ്പെടുന്നു. നമീബിയ, ശ്രീലങ്ക ടീമുകൾക്ക് അയർലന്റ്, സിംബാബ്വേ എന്നിവർക്കെതിരെയാണ് സന്നാഹ മത്സരം. നെതർലൻഡ്സിനും യുഎഇക്കും സ്കോട്ലന്റും വെസ്റ്റ് ഇൻഡീസും എതിരാളികൾ. എല്ലാ മത്സരങ്ങളും മെൽബണിലാണ് നടക്കുക.
ഗ്രൂപ്പ് ഒന്നിൽ അഫ്ഗാനിസ്ഥാന്, ഓസ്ട്രേലിയ, ഇംഗ്ലണ്ട്, ന്യൂസിലന്റ് ഗ്രൂപ്പ് രണ്ടിൽ ഇന്ത്യ, ബംഗ്ലദേശ്, പാകിസ്ഥാൻ, ദക്ഷിണാഫ്രിക്ക എന്നിവർ ഉൾപ്പെടുന്നു. അഫ്ഗാനിസ്ഥാന് ബംഗ്ലദേശും പാകിസ്ഥാനുമാണ് എതിരാളികൾ. ഓസ്ട്രേലിയയും ഇംഗ്ലണ്ടും യഥാക്രമം ഇന്ത്യയെയും പാകിസ്ഥാനെയും നേരിടും. ന്യൂസിലന്റ് ദക്ഷിണാഫ്രിക്കയെയും ഇന്ത്യയെയും ബംഗ്ലദേശ് അഫ്ഗാനിസ്ഥാനെയും ദക്ഷിണാഫ്രിക്കയെയും ഇന്ത്യ ഓസ്ട്രേലിയയെയും ന്യൂസിലന്റിനെയും പാകിസ്ഥാൻ അഫ്ഗാനിസ്ഥാനെയും ഇംഗ്ലണ്ടിനെയും ദക്ഷിണാഫ്രിക്ക ന്യൂസിലന്റിനെയും ബംഗ്ലാദേശിനെയും നേരിടും. എല്ലാ മത്സരങ്ങളും ബ്രിസ്ബെയ്നിലാണ്.
ഗ്രൂപ്പ് മത്സരങ്ങൾ അവസാനിക്കുമ്പോൾ ഗ്രൂപ്പ് എയിലെ വിജയിയെയും ഗ്രൂപ്പ് ബിയിലെ റണ്ണേഴ്സ് അപിനെയും ഗ്രൂപ്പ് ഒന്നിലുള്ള നാല് ടീമുകൾക്കൊപ്പം ഉൾപ്പെടുത്തും. സമാനമായി ഗ്രൂപ്പ് ബിയിലെ വിജയിയും ഗ്രൂപ്പ് എയിലെ റണ്ണേഴ്സ് അപ്പും ഗ്രൂപ്പ് രണ്ടിലെ നാല് ടീമുകൾക്കൊപ്പം ചേരും. ഒക്ടോബർ 16 ന് കർഡീനിയ പാർക്കിൽ ശ്രീലങ്ക-നമീബിയ മത്സരത്തോടെയാണ് ആദ്യ റൗണ്ട് തുടങ്ങുന്നത്. അന്ന് തന്നെ യുഎഇ നെതർലൻഡ്സിനെയും നേരിടും. ഒക്ടോബർ 22 ന് സിഡ്നിയിൽ ഓസ്ട്രേലിയ ന്യൂസിലന്റിനെ നേരിടുന്നതോടെ സൂപ്പർ 12 പോരാട്ടങ്ങൾക്ക് തുടക്കമാകും.
