തിരുവനന്തപുരം: പ്രശസ്ത കലാസംഘാടകനും സാംസ്കാരിക പ്രവർത്തകനുമായ സൂര്യ കൃഷ്ണമൂർത്തി (78) അന്തരിച്ചു. തിരുവനന്തപുരത്ത് സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. സൂര്യ കലാകൂട്ടായ്മയുടെ സ്ഥാപകനും സംഗീത നാടക അക്കാദമി മുൻ ചെയർമാനുമാണ്.കഴിഞ്ഞ 50 വർഷത്തോളമായി ലോകോത്തര കലാകാരന്മാരെയും വിശ്വപ്രതിഭകളെയും കേരളത്തിന്റെ സാംസ്കാരിക വേദിയിലേക്ക് ആനയിച്ച പ്രമുഖ വ്യക്തിത്വമായിരുന്നു സൂര്യ കൃഷ്ണമൂർത്തി.
അദ്ദേഹത്തിന്റെ മേൽനോട്ടത്തിൽ തിരുവനന്തപുരത്ത് നടന്നുവന്ന സൂര്യ ഫെസ്റ്റിവൽ ഭാരതീയ കലകളുടെയും സംഗീതത്തിന്റെയും കേന്ദ്രബിന്ദുവായി മാറി.ഇന്ത്യയിലെയും വിദേശത്തെയും പ്രശസ്തരായ നർത്തകരും സംഗീതജ്ഞരും നാടകപ്രവർത്തകരും ഒരുമിച്ച് അണിനിരന്ന വലിയൊരു സാംസ്കാരിക കൂട്ടായ്മയാണ് അദ്ദേഹത്തിന്റെ വേർപാടിലൂടെ നഷ്ടമാകുന്നത്. പ്രമുഖ രാഷ്ട്രീയ-സാംസ്കാരിക പ്രമുഖർ അദ്ദേഹത്തിന്റെ വേർപാടിൽ അനുശോചനം രേഖപ്പെടുത്തി.
