കൊച്ചി: പെരുമ്പാവൂരിനടുത്ത് വേങ്ങൂരിലെ കോളജ് ഹോസ്റ്റലില് വിദ്യാര്ഥിനി മരിച്ച നിലയില് കണ്ടെത്തി . കോട്ടയം പാറമ്പുഴ സ്വദേശിനി അനീറ്റ ബിനോയിയെയാണ് ഹോസ്റ്റല് മുറിയില് തൂങ്ങിമരിച്ച നിലയില് കണ്ടത്. രാജഗിരി വിശ്വജ്യോതി ആര്ട്സ് ആന്റ് സയന്സ് കോളജിലെ മൂന്നാംവര്ഷ ബിബിഎ വിദ്യാര്ഥിനിയാണ് അനീറ്റ. മുറിയില് നിന്ന് ആത്മഹത്യാ കുറിപ്പ് കണ്ടെടുത്തിട്ടുണ്ട്.ഇന്ന് രാവിലെയാണ് സംഭവം. കുട്ടിയുടെ കൈയില് അടക്കം മുറിവുണ്ട്. ഇന്നലെയാണ് അനീറ്റ കോട്ടയെത്ത വീട്ടില് നിന്നു മടങ്ങിയെത്തിയത്.
ഇന്നലെ അവധിയായതിനാല് മുറിയിലുള്ള മറ്റു കുട്ടികള് വീട്ടിലേക്ക് പോയിരിക്കുകയായിരുന്നു. കുട്ടിയുടെ മാതാപിതാക്കള് വിദേശത്താണ്.മാതാപിതാക്കളോട് ക്ഷമ ചോദിച്ചുകൊണ്ടുള്ളതാണ് ആത്മഹത്യ കുറിപ്പ്. ആത്മഹത്യാ കുറിപ്പിലെ കാര്യങ്ങള് പൊലീസ് ഇതുവരെ പുറത്തുവിട്ടിട്ടില്ല. ആത്മഹത്യാ കുറിപ്പ് വ്യക്തമല്ലെന്നും അന്വേഷണം നടത്തിവരികയാണെന്നുമാണ് പൊലീസ് പറയുന്നത്. മരണകാരണം വ്യക്തമായിട്ടില്ല. എന്താണ് മരണത്തിന് ഇടയാക്കിയത് എന്നതടക്കമുള്ള വിവരങ്ങള് പൊലീസ് അന്വേഷിച്ച് വരികയാണ്. പോസ്റ്റ് മോര്ട്ടം കഴിഞ്ഞാല് ഇതുസംബന്ധിച്ച് കൂടുതല് വ്യക്തത വരുമെന്നാണ് പൊലീസ് പറയുന്നത്.
