ആലപ്പുഴ: ഊഞ്ഞാലില് കുരുങ്ങി പത്തുവയസുകാരനു ദാരുണാന്ത്യo ,കേളാത്തുകുന്നേല് അഭിലാഷിന്റെ മകന് കശ്യപാണ് മരിച്ചത്. വീടിന്റെ രണ്ടാമത്തെ നിലയില് കെട്ടിയിരുന്ന ഊഞ്ഞാലില് കുരുങ്ങി കുട്ടി മരിച്ചു എന്നാണ് വീട്ടുകാര് പറയുന്നത്. വീടിന്റെ ടെറസിലെ ഇരുമ്പുബാറില് കെട്ടിയ ഷാളില് കുടുങ്ങിയാണ് അപകടം ഉണ്ടായതെന്ന് പൊലീസ് പറയുന്നു. കുമ്പളം സ്വദേശികളായ അഭിലാഷിന്റെയും ധന്യയുടെയും മകനാണ് കശ്യപ്. അരൂരില് കുടുംബം വാടകയ്ക്ക് താമസിക്കുകയാണ്. ഇന്നലെ സ്കൂള് വിട്ട് വന്ന കുട്ടി മുകളിലത്തെ നിലയിലേക്ക് പോയി. അവിടെ വച്ചാണ് അപകടം ഉണ്ടായത് എന്നാണ് വീട്ടുകാര് പറയുന്നത്. പോസ്റ്റമോര്ട്ടം നടപടികള് പൂര്ത്തിയായാല് മാത്രമേ മരണ കാരണം വ്യക്തമാകുകയുള്ളൂ എന്ന് പൊലീസ്.ഇന്ന് രാവിലെയാണ് കുട്ടിയെ മരിച്ചനിലയില് കണ്ടെത്തിയത്. അസ്വാഭാവിക മരണത്തിന് പൊലീസ് കേസെടുത്തിരിക്കുന്നത്
