തിരുവനന്തപുരം : ലോക്സഭാ തിരഞ്ഞെടുപ്പിലെ തിരിച്ചടിയെത്തുടർന്ന് പാർട്ടിയിൽ തിരുത്തൽ വേണമെന്ന പൊളിറ്റ് ബ്യൂറോ നിർദേശപ്രകാരം സിപിഎം സംസ്ഥാന നേതൃത്വത്തിൽ വൻ അഴിച്ചുപണി. മൂന്നു ദിവസം നീണ്ട വിശാല സമിതി യോഗത്തിനൊടുവിലാണ് സംസ്ഥാന സെക്രട്ടേറിയറ്റിലും സംസ്ഥാന സമിതിയിലും നിർണായക മാറ്റങ്ങൾ വരുത്തിയത്.
ജോൺ ബ്രിട്ടാസിനെ സെക്രട്ടേറിയറ്റിൽ ഉൾപ്പെടുത്താനുള്ള പിണറായി വിജയൻ പക്ഷത്തിന്റെ നീക്കങ്ങളെ എതിർപക്ഷം പ്രതിരോധിച്ചതോടെയാണ് വി ശിവൻകുട്ടി നാടകീയമായി സംസ്ഥാന സെക്രട്ടേറിയറ്റിലെത്തിയത്. ബ്രിട്ടാസിന് പകരം ശിവൻകുട്ടിയുടെ പേര് ഉയർന്നുവന്നതോടെ ബ്രിട്ടാസിനെ സെക്രട്ടേറിയറ്റിൽ ക്ഷണിതാവാക്കി ഒതുക്കുകയും ശിവൻകുട്ടിയെ അംഗമായി ഉൾപ്പെടുത്തുകയുമായിരുന്നു.
മൂന്ന് പതിറ്റാണ്ടിലേറെയായി സംസ്ഥാന സമിതിയിലുള്ള പി ജയരാജൻ, എം ബി രാജേഷ്, വി ശിവൻകുട്ടി എന്നിവരെ പുതുതായി ഉൾപ്പെടുത്തി. തോമസ് ഐസക്, ടി പി രാമകൃഷ്ണൻ എന്നിവരെ ഒഴിവാക്കി. പി രാജീവ് പുതിയ കൺവീനറാകും. മൂന്ന് സ്ത്രീകളടക്കം ഒൻപത് യുവനേതാക്കളെ ഉൾപ്പെടുത്തി സംസ്ഥാന സമിതി വിപുലീകരിച്ചു. കണ്ണൂർ ഉൾപ്പെടെയുള്ള ജില്ലാ നേതൃത്വങ്ങളിലും പുനസംഘടന വരുത്താൻ തീരുമാനിച്ചിട്ടുണ്ട്.
