തിരുവനന്തപുരം: പാലക്കാട്‌ ഉപതെരഞ്ഞെടുപ്പിനോട് അനുബന്ധിച്ച്‌ നവംബർ 20ന് വേതനത്തോടു കൂടിയ അവധി. സ്വകാര്യമേഖലയിലെ ജീവനക്കാർക്കും, തൊഴിലാളികള്‍ക്കും വേതനത്തോടു കൂടിയ അവധി പ്രഖ്യാപിച്ചു.ഒരാളിന് അവധി അനുവദിക്കുന്നത് അയാള്‍ ഏർപ്പെട്ടിരിക്കുന്ന തൊഴിലിന് ആപത്കരമാവാനോ സാരവത്തായ നഷ്ടം ഉണ്ടാകാനോ ഇടയുള്ള സാഹചര്യങ്ങളില്‍ പകരം സംവിധാനം ഏർപ്പെടുത്തി അയാള്‍ക്ക് വോട്ട് രേഖപ്പെടുത്തുന്നതിന് പ്രത്യേക അനുമതി നല്‍കണം.
ഒപ്പം വാണിജ്യ വ്യവസായ വ്യാപാര സ്ഥാപനങ്ങളടക്കമുള്ള എല്ലാ സ്ഥാപനങ്ങളിലേയും ഐ.ടി, തോട്ടം മേഖലകളിലെയും വോട്ടവകാശമുള്ള കാഷ്വല്‍/ ദിവസവേതനക്കാർ അടക്കമുള്ള മുഴുവൻ ജീവനക്കാർക്കും തൊഴിലാളികള്‍ക്കും ഈ അവധി ബാധകമായിരിക്കും. അതോടൊപ്പം സ്വന്തം ജില്ലക്ക് പുറത്ത് ജോലിയില്‍ ഏർപ്പെട്ടിരിക്കുന്ന വോട്ടർമാർക്ക് അവരവരുടെ പോളിങ് സ്‌റ്റേഷനില്‍ വോട്ട് രേഖപ്പെടുത്തുന്നതിന് വേതനത്തോടു കൂടിയ മതിയായ അവധി തൊഴിലുടമ ഉറപ്പാക്കണമെന്നും കമ്മീ ഷണർ അറിയിച്ചു അതിനാല്‍ ഈ സാഹചര്യത്തില്‍ എല്ലാ തൊഴിലുടമകളും തൊഴിലാളികള്‍ക്ക് വേതനത്തോടുകൂടിയ അവധി ഉറപ്പാക്കണമെന്ന് ലേബർ കമ്മീഷണർ സഫ്നാ നസറുദ്ദീൻ അറിയിച്ചു.
