തുടരെ തുടരെയുള്ള കപ്പലപകടം ജനങ്ങളെ നന്നായി ബുദ്ധിമുട്ടിച്ചിട്ടുണ്ട്. അതിനാൽ ജനങ്ങൾ ഇപ്പോൾ ഭയത്തിലാണ്. ഇപ്പോൾ കടൽ മത്സ്യങ്ങൾ കഴിക്കുന്നതിലും ഭയന്നിരിക്കുകയാണ്. കപ്പൽ അപകടത്തിനു പിന്നാലെ കടൽ മീൻ കഴിക്കുന്നത് ദോഷകരമാണെന്നുമുള്ള പ്രചരണത്തിൻ്റെ മുനയൊടിക്കാനാണ് ആലപ്പുഴയിൽ മന്ത്രിമാർ മത്സ്യവിഭവങ്ങൾ പരസ്യമായി പങ്കുവച്ചത്. ഇതിനു പിന്നാലെ കഴിഞ്ഞ ദിവസം വീണ്ടും കപ്പല് അപകടമുണ്ടായതോടെ ആശങ്ക വര്ദ്ധിക്കുകയായിരുന്നു.
ഇതോടെ, മത്സ്യ ഉപഭോഗത്തിൽ വൻകുറവ് വന്നിട്ടുണ്ടെന്നാണ് വ്യാപാരികൾ പറയുന്നത്.നിലവിൽ കടകളിലുള്ള മീനുകളിൽ ഭൂരിഭാഗവും ആഴ്‌ചകൾക്കുമുമ്പ് പിടിച്ചതാണെങ്കിലും ആശങ്ക മൂലം പലർക്കും കടൽ എത്തില്ല.ഇതോടെ ഉണക്കമീനു ഡിമാൻഡേറി. കോട്ടയം മാർക്കറ്റിലടക്കം ഉണക്കമീൻ കടകളിലാണു തിരക്ക്. ഈ സാഹചര്യത്തിലാണ് ഉണക്കമീനിലേക്ക് ആളുകൾ തിരിഞ്ഞത്. തിരണ്ടിയും തുണ്ടൻ മീനും പൊടിമീനുമെല്ലാം ഉണങ്ങിയതിന് ആവശ്യക്കാരേറി.
മലയോരത്ത് കപ്പയ്‌ക്കൊപ്പം ഉപയോഗിക്കുന്നതിനാൽ ഉണക്കമീനിന് നേരത്തെ തന്നെ ഡിമാൻറുണ്ട്. എന്നാൽ, ഉണക്കമീനിലെ ചില ഇനങ്ങൾക്ക് ക്ഷാമമുണ്ടെന്നും വിലയിൽ നേരിയ വർധനയുണ്ടെന്നും വ്യാപാരികൾ പറയുന്നു.തുണ്ടം -600, തിരണ്ടി 350-500, നങ്ക് 280 – 360, മുള്ളൻ -300, കുട്ടൻ -300, അയ ല -350, മുടപ്പറവ -360, ഏട്ടക്കൂരി -240, തോപ്പാറ വറ്റ – 280-320, ചെമ്മീൻ – 800 -900, തിരിയാൻ -200 എന്നിങ്ങനെയാണ് വില. മഴ ശക്തമാകുന്നതോടെ വിലയിൽ വർധനയുണ്ടാകാനുള്ള സാധ്യതകൾ വ്യാപാരികൾ ചൂണ്ടിക്കാട്ടുന്നു.
ഗുജറാത്തിൽ നിന്നുൾപ്പെടെയാണു ജില്ലയിൽ ഉണക്കമീൻ എത്തിക്കുന്നത്. ഡിമാൻഡ് വർധിച്ചതോടെ പഴകിയ ഉണക്കമീൻ അനുബന്ധവും പൊടിപൊടിക്കുന്നുണ്ട്.പച്ചമീൻ വിപണിയിലെ പ്രതിസന്ധി യെത്തുടർന്ന് കുമരകം തിരഞ്ഞെടുക്കുന്ന സ്ഥലങ്ങളിൽ കായൽ മീനിനും ആവശ്യത്തിന് ആവശ്യമുണ്ട്. കരിമീൻ, പരൽ, പുല്ലൻ എന്നിവയാണ് ലഭിക്കുന്നത്. പള്ളത്തി പോലുള്ള ചെറുമീനുകൾ ലഭ്യമാണെങ്കിലും വൃത്തിയാക്കാനുള്ള താമസം മൂലം പലരും വാങ്ങാൻ മടിക്കുകയാണ്.
