തിരുവനന്തപുരം: ദേശീയപാതയിലുണ്ടായ വാഹനാപകടത്തിൽ 23 കാരന് ദാരുണാന്ത്യം. കഴക്കൂട്ടം കാരോട് ബൈപ്പാസിലാണ് അപകടമുണ്ടായത്. ബൈക്ക് നിയന്ത്രണം വിട്ട് ഭിത്തിയിലിടിച്ച് 40 അടി താഴെയുളള സർവ്വീസ് റോഡിലേക്ക് വീഴുകയായിരുന്നു ഇതിനെ തുടർന്നാണ് ബൈക്ക് യാത്രികൻ മരിച്ചത്.
കോട്ടുകാൽ ചരുവിള പുത്തൻ വീട്ടിൽ ജി മഹേഷാണ് ( 23) അപകടത്തിൽ മരണപ്പെട്ടത്. നിർമ്മാണ തൊഴിലാളിയാണ് മരിച്ച മഹേഷ്.ഇന്നലെ രാത്രി മുക്കോല കല്ലുവെട്ടാൻകുഴി സർവ്വീസ് റോഡിലാണ് അപകടം. രക്തം വാർന്ന് അബോധാവസ്ഥയിലായ യുവാവിനെ നാട്ടുകാർ ആംബുലൻസ് വിളിച്ചു വരുത്തി വിഴിഞ്ഞം ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. സംഭവത്തിൽ വിഴിഞ്ഞം പൊലീസ് കേസെടുത്തു
