തിരുവനന്തപുരം: വേതനവര്ധന അടക്കമുല്ല ആവശ്യങ്ങൾ ഉന്നയിച്ച് ആശ വര്ക്കര്മാര് സെക്രട്ടറിയേറ്റിന് മുന്നില് നടത്തി വന്ന നിരാഹാര സമരം അവസാനിപ്പിച്ചു. രാപകല് സമര യാത്ര ആരംഭിക്കുന്ന സാഹചര്യത്തിലാണ് തീരുമാനം. 43-ാം ദിവസമാണ് റിലേ നിരാഹാര സമരം അവസാനിപ്പിക്കുന്നത്.അതേസമയം സെക്രട്ടറിയേറ്റിന് മുന്നിലെ രാപകല് സമരം തുടരുമെന്ന് സമരക്കാര് അറിയിച്ചു.
മെയ് അഞ്ച് മുതല് ജൂണ് 17 വരെ കാസര്കോട് മുതല് തിരുവനന്തപുരം വരെയാണ് രാപകല് സമരയാത്ര നടത്തുന്നത്.എല്ലാ ജില്ലകളിലും രണ്ട് സമരപന്തല് ഒരുക്കിയാണ് സമരയാത്ര.ഓണറേറിയം വര്ധിപ്പിക്കുക, പെന്ഷന് നല്കുക, വിരമിക്കല് ആനുകൂല്യം നല്കുക തുടങ്ങി വിവിധ ആവശ്യങ്ങള് മുൻനിർത്തിയാണ് ആശ വര്ക്കര്മാര് സമരം തുടങ്ങിയത്. സെക്രട്ടേറിയറ്റിന് മുന്നിലെ രാപകല് സമരം 81-ാം ദിവസത്തിലേക്ക് എത്തിയപ്പോളാണ് നിരാഹാര സമരം അവസാനിപ്പിച്ചത്. സമരയാത്രയുടെ ഫ്ലാഗ് ഓഫും സമരപ്പന്തലില് നടന്നു.
