കോട്ടയം:എം സി റോഡിൽ ചങ്ങനാശേരി നഗരസഭയ്ക്ക് സമീപം നിയന്ത്രണം തെറ്റി എത്തിയ വാൻ ഇടിച്ച് രണ്ട് വായോധികർക്ക് പരിക്ക്. കോട്ടയം ഭാഗത്ത് നിന്നെത്തിയ വാൻ നിയന്ത്രണം തെറ്റി റോഡരികിൽ നിന്ന ഇരുവരെയും ഇടിക്കുകയായിരുന്നു. ഫാത്തിമാപുരം സ്വദേശി റഷീദ, ആലപ്പുഴ സ്വദേശി നദീറഎന്നിവർക്കാണ് പരിക്ക് പറ്റിയത്. വെള്ളിയാഴ്ച വൈകുന്നേരമായിരുന്നു അപകടം നടന്നത്. 108 ആംബുലൻസ് വിളിച്ച് കിട്ടാതിരുന്നതിനെ തുടർന്ന് അഗ്നിരക്ഷസേന എത്തി കാലിനു പരിക്കേറ്റ നദീറയെ സ്ട്രെക്ചറിൽ കിടത്തി നഗരത്തിലൂടെ നടന്ന് ആശുപത്രിയിൽ എത്തിക്കുകയായിരുന്നു. ഒപ്പം പരിക്കെറ്റ റഷീദയെ സേനയുടെ ജീപ്പിലും സമീപത്തെ ജനറൽ ആശുപത്രിയിൽ പ്രവേശിപ്പിച്ചു.സാധാരണ ആദിവാസി ഊരുകളിൽ സംഭവിക്കുന്ന കാര്യം നഗരത്തിലുണ്ടായത് ഏറെ വിമർശനങ്ങൾക്കിടയാക്കിയിരിക്കുകയാണ്.
