കോയമ്പത്തൂര്: വടകരയില് കാറിടിച്ച് ഒന്പതു വയസുകാരി കോമയിലായ സംഭവത്തില് പ്രതി ഷെജില് അറസ്റ്റിൽ . കോയമ്പത്തൂര് വിമാനത്താവളത്തില് നിന്നാണ് ഷെജില് കസ്റ്റഡിയിലായത്. പ്രതിയെ വടകരയില് നിന്നുള്ള പൊലീസ് സംഘത്തിന് കൈമാറും.ലുക്ക് ഔട്ട് സര്ക്കുലര് ഉള്ളതിനാല് ഇയാളെ വിമാനത്താവളത്തില് തടയുകയായിരുന്നു. തുടര്ന്ന് വടകര പൊലീസിനെ വിവരം അറിയിക്കുകയായിരുന്നു.
പൊലീസ് സംഘം പ്രതിയെ കസ്റ്റഡിയില് വാങ്ങാനായി പുറപ്പെട്ടിട്ടുണ്ട്.കഴിഞ്ഞ വര്ഷം ഫെബ്രുവരിയിലാണ് ഷെജില് ഓടിച്ച കാര് ഇടിച്ച് ഒന്പത് വയസുകാരിയായ ദൃഷാനയ്ക്ക് ഗുരുതര പരിക്കേല്ക്കുന്നത്.അപകടത്തില് കുട്ടിയുടെ മുത്തശ്ശി മരിച്ചിരുന്നു. അപകടത്തെ തുടര്ന്ന് ഇരുവരെയും ഷെജിലും കാറില് ഒപ്പമുണ്ടായിരുന്നവരും ആശുപത്രിയിലെത്തിക്കാതെ മടങ്ങി. അപകടത്തെ തുടര്ന്ന് കോമയിലായ ഒന്പതുവയസുകാരി എട്ട് മാസത്തോളം കോഴിക്കോട് മെഡിക്കല് കോളജില് ചികിത്സയിലായിരുന്നു.
