സാമൂതിരി കോവിലകത്തിന്റെ ചരിത്രത്തിലെ പ്രധാനപ്പെട്ട ഒരു വ്യക്തിയായിരുന്ന പി കെ കേരളവർമ്മയുടെ വിയോഗം വലിയൊരു നഷ്ടമാണ്. പരമ്പരാഗത രീതികളും ആചാരങ്ങളും കാത്തുസൂക്ഷിക്കുന്നതിൽ അതീവ താല്പര്യം പുലർത്തിയിരുന്ന അദ്ദേഹം കോഴിക്കോടിന്റെയും വടക്കൻ കേരളത്തിന്റെയും സാംസ്കാരിക പൈതൃകവുമായി അടുത്ത ബന്ധം പുലർത്തിയിരുന്നു.
രാജകുടുംബാംഗമാണെങ്കിലും അതീവ ലളിതമായ ജീവിതരീതിയായിരുന്നു അദ്ദേഹത്തിന്റേത്. വലിയ ആഡംബരങ്ങളോടോ ബഹളങ്ങളോടോ താല്പര്യമില്ലാതെ, കോഴിക്കോട്ടെ പഴയകാല പാരമ്പര്യങ്ങൾ മുറുകെപ്പിടിച്ച് ജീവിച്ച വ്യക്തിയായിരുന്നു അദ്ദേഹം.
സാമൂതിരി കോവിലകത്തിന്റെ കൈവശമുണ്ടായിരുന്ന പല പഴയകാല താളിയോല ഗ്രന്ഥങ്ങളും ചരിത്ര രേഖകളും സൂക്ഷിക്കുന്നതിലും പുതിയ തലമുറയ്ക്ക് അവയെക്കുറിച്ച് അറിവ് പകർന്നു നൽകുന്നതിലും അദ്ദേഹം നിശബ്ദമായ എന്നാൽ വലിയ പങ്കുവഹിച്ചിട്ടുണ്ട്.
പല ചരിത്ര ഗവേഷകരും അദ്ദേഹത്തെ തേടി എത്തിയിരുന്നത് അപൂർവ്വമായ ഈ വിവരങ്ങൾ ശേഖരിക്കാനാണ്. ആധുനിക കാലഘട്ടത്തിലും പഴയകാല മലബാറിന്റെ തനതായ ഭക്ഷണരീതികൾ, ആചാരങ്ങൾ, ഉത്സവങ്ങൾ എന്നിവയുടെ തനിമ ഒട്ടും ചോർന്നുപോകാതെ അടുത്തറിയാനും അത് പിന്തുടരാനും അദ്ദേഹം പ്രത്യേക ശ്രദ്ധ പുലർത്തിയിരുന്നു.
സാമൂതിരിമാരുടെ ചരിത്രവും ബ്രിട്ടീഷ് കാലഘട്ടത്തിലെ മലബാർ ചരിത്രവും തമ്മിലുള്ള ബന്ധത്തെക്കുറിച്ച് കേട്ടറിവുകളേക്കാൾ ഉപരി, കുടുംബത്തിൽ കൈമാറിവന്ന പല വാമൊഴി ചരിത്രങ്ങളും കൃത്യമായി ഓർമ്മയിൽ സൂക്ഷിച്ചിരുന്ന ചുരുക്കം ചിലരിൽ ഒരാളായിരുന്നു അദ്ദേഹം.
ഈ വിയോഗത്തിലൂടെ കോഴിക്കോടിന്റെ ഒരു ചരിത്ര ഏടുകൂടിയാണ് അടയാളപ്പെടുത്തപ്പെടുന്നത്.
സിന്ധു രാജീവ്
