കൊച്ചി: കോയമ്ബത്തൂരിൽ നിന്നും വർക്കലയിലേക്ക് പോയ ബസാണ് മറിഞ്ഞത്. തമിഴ്നാട്ടിൽ നിന്നുള്ള കോളേജ് വിദ്യാർത്ഥികളാണ് ബസിൽ ഉണ്ടായിരുന്നത്. കോയമ്ബൂർ എസ്എൻഎസ് കോളേജിലെ വിദ്യാർത്ഥികൾ വിനോദയാത്രക്കെത്തിയതാണ് കേരളത്തിൽ. 2.45 ഓടെയാണ് അപകടം. എറണാകുളം ചക്കരപറമ്ബിലാണ് ബസ് നിയന്ത്രണം വിട്ട് മറിഞ്ഞത്. ദേശീയ പാതയിൽ ഉണ്ടായ അപകടത്തിൽ നാല് പേർക്ക് പരിക്കേറ്റു.അമിത വേഗതയിൽ വന്ന ബസ് മരത്തിൽ ഇടിച്ച് മറിയുകയായിരുന്നു. ഡ്രൈവർക്കും പരിക്കുണ്ട്. 30 വിദ്യാർത്ഥികളാണ് ബസിൽ ഉണ്ടായിരുന്നത്. ആരുടേയും പരിക്ക് ഗുരുതരമല്ല
