തമിഴ്നാട്ടിലെ കടലൂർ ജില്ലയിൽ, പതിനേഴുകാരനായ വിദ്യാർഥിയെ തട്ടിക്കൊണ്ടുപോയി ലൈംഗികമായി പീഡിപ്പിച്ചു എന്ന കേസിൽ 45 വയസ്സുള്ള സ്ത്രീയെ പോലീസ് അറസ്റ്റ് ചെയ്തു.
കടലൂരിലെ ഒരു ഗ്രാമത്തിൽനിന്നുള്ള കോളേജ് വിദ്യാർഥിയെ കാണാനില്ലെന്ന് പറഞ്ഞ് രക്ഷിതാക്കൾ നൽകിയ പരാതിയെത്തുടർന്നാണ് പോലീസ് അന്വേഷണം ആരംഭിച്ചത്. പ്രായപൂർത്തിയാകാത്ത വിദ്യാർഥി ഈ സ്ത്രീയോടൊപ്പമാണ് താമസിക്കുന്നതെന്ന് അന്വേഷണത്തിൽ കണ്ടെത്തുകയായിരുന്നു.
വിവാഹിതയായ ഇവർ വിദ്യാർഥിയെ പ്രലോഭിപ്പിച്ച് കൊണ്ടുപോവുകയും ലൈംഗികമായി ചൂഷണം ചെയ്യുകയും ചെയ്തുവെന്ന് പോലീസ് സ്ഥിരീകരിച്ചു. തുടർന്ന് പോക്സോ (POCSO) നിയമപ്രകാരം ഇവർക്കെതിരെ കേസെടുത്ത് അറസ്റ്റ് രേഖപ്പെടുത്തി.
