കണ്ണൂർ: വിഴിഞ്ഞം അന്താരാഷ്ട്ര തുറമുഖ കരാറുമായി ബന്ധപ്പെട്ട വിവാദങ്ങളിൽ സംസ്ഥാന സർക്കാരിനും സ്വന്തം പാർട്ടിക്കുമെതിരെ പരോക്ഷ വിമർശനവുമായി സിപിഎം കേന്ദ്ര കമ്മിറ്റി അംഗം ഇ.പി. ജയരാജൻ. വിഴിഞ്ഞം വിഷയത്തിൽ വിവാദങ്ങളിലേക്ക് പോകുന്നത് കേരളത്തിന് ഗുണകരമല്ലെന്നും അനാവശ്യ തർക്കങ്ങൾ ഉണ്ടാക്കുന്ന പ്രവണതയാണ് ഇപ്പോൾ കാണുന്നതെന്നും അദ്ദേഹം വാർത്താസമ്മേളനത്തിൽ പറഞ്ഞു.വിഴിഞ്ഞം വിഷയത്തിൽ സർക്കാരിനും അദാനി ഗ്രൂപ്പിനുമെതിരെ സിപിഎം കണ്ണൂർ നേതൃത്വം ശക്തമായ അഴിമതി ആരോപണം ഉന്നയിക്കുന്നതിനിടയിലാണ്, അതിനെ തള്ളിക്കൊണ്ട് ഇ.പി. ജയരാജൻ രംഗത്തെത്തിയത്.
‘മന്ത്രിമാർക്കും മുഖ്യമന്ത്രിക്കും ശണ്ഠകൂടാനാണ് താല്പര്യം’
മുഖ്യമന്ത്രിക്കും ഭരണ മുന്നണിക്കുമെതിരെ കടുത്ത ഭാഷയിലാണ് ഇ.പി. ജയരാജൻ പ്രതികരിച്ചത്.”ഭരിക്കുന്ന മുന്നണിക്കും മന്ത്രിമാർക്കും മുഖ്യമന്ത്രിക്കും ഭരണത്തിലല്ല താല്പര്യം. വിവാദമുണ്ടാക്കാനും ശണ്ഠയുണ്ടാക്കാനുമാണ് അതീവ താല്പര്യം. വിഴിഞ്ഞം തുറമുഖത്തിന്റെ പ്രവർത്തനങ്ങൾ അതിന്റെ കരാർ വ്യവസ്ഥയനുസരിച്ച് വേഗത്തിൽ പൂർത്തീകരിക്കാനുള്ള താല്പര്യമാണ് സംസ്ഥാന സർക്കാർ കാണിക്കേണ്ടത്. കരാർ വ്യവസ്ഥയിൽ നിന്ന് വ്യതിചലിക്കാതെ ഫലപ്രദമായ ഇടപെടലാണ് ഉണ്ടാകേണ്ടത്.
ഇ.പി. ജയരാജൻ തുറമുഖത്തിന്റെ പ്രവർത്തനങ്ങളെ വിവാദങ്ങളിലേക്ക് വലിച്ച് നിർജീവമാക്കുന്നത് സംസ്ഥാനത്തിന്റെ പൊതുതാത്പര്യത്തിന് വിരുദ്ധമാണെന്നും മന്ത്രിമാർ ഈ കാര്യത്തിൽ കൂടുതൽ ശ്രദ്ധ പതിപ്പിക്കണമെന്നും അദ്ദേഹം ഓർമ്മിപ്പിച്ചു. ‘അത് ഉന്നയിച്ചവരോട് ചോദിക്കണം’വിഴിഞ്ഞം ഇടപാടിൽ അഴിമതിയുണ്ടെന്ന് സിപിഎം കണ്ണൂർ ജില്ലാ സെക്രട്ടറി കെ.കെ. രാഗേഷ് ഉന്നയിച്ച ആരോപണങ്ങളെ ജയരാജൻ പൂർണ്ണമായും തള്ളി.”ഞാൻ ഇത്തരത്തിൽ യാതൊരു ആക്ഷേപവും ഉന്നയിച്ചിട്ടില്ല. ഏതെങ്കിലും ആളുകൾക്ക് അഴിമതി നടന്നുവെന്ന് പ്രശ്നമുണ്ടെങ്കിൽ അവരത് ഉന്നയിക്കട്ടെ. ആരാണോ ആക്ഷേപം ഉന്നയിച്ചത് അവരോട് ചോദിച്ച് കാര്യം വ്യക്തമാക്കുന്നതായിരിക്കും നല്ലത്.
അഴിമതി ആരോപണങ്ങളിൽ സത്യമുണ്ടെങ്കിൽ അത് ബന്ധപ്പെട്ട മന്ത്രിമാരും വിജിലൻസ് പോലുള്ള സംവിധാനങ്ങളും അന്വേഷിക്കട്ടെയെന്നും അദ്ദേഹം കൂട്ടിച്ചേർത്തു.കരാർ വ്യവസ്ഥ ലംഘിക്കാനാവില്ലദേശാഭിമാനി പത്രത്തിൽ വന്ന വാർത്തകളെയും പാർട്ടി സംസ്ഥാന സെക്രട്ടറി എം.വി. ഗോവിന്ദന്റെ പ്രതികരണങ്ങളെയും കുറിച്ചുള്ള ചോദ്യത്തിന്, സിപിഎമ്മിനോ എൽഡിഎഫിനോ ഈ വിഷയത്തിൽ യാതൊരു ആശയക്കുഴപ്പവുമില്ലെന്ന് ജയരാജൻ വ്യക്തമാക്കി.നിലവിലെ കരാർ വ്യവസ്ഥകൾ അദാനിക്കോ മറ്റൊരു കക്ഷിക്കോ ഏകപക്ഷീയമായി ലംഘിക്കാൻ സാധിക്കില്ല.
കരാറിൽ ഭേദഗതി വരുത്താനോ, പുറംകരാർ നൽകാനോ, പുതിയ ഓഹരി ഉടമകളെ ചേർക്കാനോ കേന്ദ്ര-സംസ്ഥാന സർക്കാരുകളുടെ മുൻകൂട്ടിയുള്ള അനുമതി വേണം. ഇക്കാര്യത്തിൽ അദാനി ഗ്രൂപ്പ് തന്നെ വ്യക്തത വരുത്തിയിട്ടുള്ളതിനാൽ നിലവിൽ തർക്കങ്ങളുടെ ആവശ്യമില്ലെന്നും ഇ.പി. ജയരാജൻ കണ്ണൂരിൽ പറഞ്ഞു.
