കോഴിക്കോട്:കോഴിക്കോട് കോടഞ്ചേരി തമ്പലമണ്ണയിൽ ഇന്നലെ രാത്രിയാണ് സംഭവം. മുക്കം സ്വദേശി ബാബു സക്കറിയയെയാണ് ഷോക്ക് ഏറ്റത്പരിക്കേറ്റതിരുവമ്പാടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. മുക്കം സ്വദേശി ബാബു സക്കറിയ വീട്ടിലേക്ക് പോകുന്നതിനിടെയാണ് സംഭം.
ജ്വല്ലറി ജീവനക്കാരനായ ബാബു സക്കറിയ ജോലി കഴിഞ്ഞ് ഭാര്യക്കൊപ്പം ബൈക്കിൽ വീട്ടിലേക്ക് പോകുന്നതിനിടെയാണ് പൊട്ടി വീണ വൈദ്യുതി ലൈനിൽ നിന്ന് ഷോക്കേറ്റത്. ബൈക്കിൽ പോകുന്നതിനിടെ പൊട്ടി വീണ വൈദ്യുതി ലൈന്റെ ഭാഗം തട്ടിയാണ് ഷോക്കേറ്റത്. ഉടനെ നാട്ടുകാര് അറിയിച്ചതിനെതുടര്ന്ന് കെഎസ്ഇബി അധികൃതര് ലൈൻ ഓഫ് ചെയ്യുകയായിരുന്നു.
ഷോക്കേറ്റ ബാബുവിനെ ഉടനെ തന്നെ തിരുവമ്പാടിയിലെ ആശുപത്രിയിലെത്തിക്കുകയായിരുന്നു. ബൈക്ക് എത്തുന്നതിന് തൊട്ടു മുമ്പാണ് വൈദ്യുതി ലൈൻ റോഡിൽ പൊട്ടി വീണിരുന്നത്. രാത്രിയായതിനാൽ ഇത് കണ്ടിരുന്നില്ല. വൈദ്യുതി ലൈൻ പൊട്ടി വീണത് ആരും അറിഞ്ഞിരുന്നില്ല.
