തിരുവനന്തപുരം: കേരളത്തില്‍ മഴ ശക്തമാകുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇതിന്റെ ഭാഗമായി. തിരുവനന്തപുരം, പത്തനംതിട്ട,കൊല്ലം, ആലപ്പുഴ, എറണാകുളം,കോട്ടയം, ഇടുക്കി ജില്ലകളിലാണ് യെല്ലോ അലർട്ട്. ഇടിമിന്നലോട് കൂടിയ കനത്ത മഴയാണ് പ്രവചിച്ചിരിക്കുന്നത്. മഴ ശക്തമാകുന്ന സാഹചര്യത്തില്‍ ജാഗ്രതാ നിർദേശവും ദുരന്തനിവാരണ അതോറിറ്റി പുറത്തുവിട്ടു.ഒറ്റപ്പെട്ട സ്ഥലങ്ങളില്‍ മഴയ്‌ക്കും ശക്തമായ കാറ്റിനും സാധ്യതയുള്ളതിനാല്‍ മലയോര മേഖലകളില്‍ നിന്നും അധികൃതരുടെ നിർദേശാനുസരണം മാറി താമസിക്കണം. മരങ്ങള്‍ കടപുഴകി വീഴാൻ സാദ്ധ്യതയുള്ളതിനാല്‍ വീടിനോട് ചാഞ്ഞ് നില്‍ക്കുന്ന മരങ്ങള്‍ വെട്ടിമാറ്റാൻ ശ്രദ്ധിക്കുക.
