തിരുവനന്തപുരം: കേരള ഹൈക്കോടതിയുടെ പുതിയ ചീഫ് ജസ്റ്റിസ് ജസ്റ്റിസ് നിതിൻ മധുകർ ജാംദാർ സത്യപ്രതിജ്ഞ ചെയ്തു ചുമതലയേറ്റു.
കേരള ഹെെക്കോടതി ചീഫ് ജസ്റ്റിസായി നിതിൻ മധുകർ ജാംദാറിനെ നിയമിക്കാൻ നിർദ്ദേശം നേരത്തെ തന്നെ സുപ്രീംകോടതി കൊളീജിയം കേന്ദ്രത്തിന് നല്‍കിയിരുന്നു.രാജ്‌ഭവനില്‍ ഗവർണർ ആരിഫ് മുഹമ്മദ് ഖാൻ സത്യവാചകം ചൊല്ലിക്കൊടുത്തു.
മുഖ്യമന്ത്രി പിണറായി വിജയനും ചടങ്ങില്‍ പങ്കെടുത്തു. നേരത്തെ മുംബയ് ഹെെക്കോടതി ചീഫ് ജസ്റ്റിസായിരുന്നു മഹാരാഷ്ട്ര സ്വദേശിയായ നിതിൻ മധുകർ. എന്നാല്‍ കേന്ദ്രം തീരുമാനം വെെകിപ്പിക്കുകയായിരുന്നു. ചീഫ് ജസ്റ്റിസുമാരുടെ നിയമനത്തില്‍ കേന്ദ്രം നേരത്തെ എതിർപ്പറിയിച്ചിരുന്നു. ഇതേ തുടർന്ന് മൂന്ന് ചീഫ് ജസ്റ്റിസുമാരുടെ നിയമനങ്ങളില്‍ കൊളീജിയം മാറ്റം വരുത്തി. കേരളത്തിലേക്കുള്ള നിയമനത്തില്‍ മാറ്റം വേണ്ടെന്നായിരുന്നു തീരുമാനം.
