വയനാട് ലോക്സഭാ മണ്ഡലത്തില് ആകെ 7458 ഹോം വോട്ടിങ്ങ് അപേക്ഷകളില് 7190 പേരാണ് വോട്ടവകാശം വിനിയോഗിച്ചത്.ഭിന്ന ശേഷിക്കാര്ക്കും 85 വയസ്സിന് മുകളിലുള്ളവര്ക്കുമായി തെരഞ്ഞെടുപ്പ് കമ്മീഷന് ഏര്പ്പെടുത്തിയ ഹോം വോട്ടിങ്ങ് സംവിധാനത്തിലൂടെ വയനാട്ടില് വോട്ട് രേഖപെടുത്തിയത്.
2408 ഭിന്നശേഷി വോട്ടര്മാരാണ് വീടുകളില് നിന്നുള്ള വോട്ടിങ്ങ് സൗകര്യത്തിനായി അപേക്ഷ നല്കിയത്. ഇതില് 2330 പേര് വോട്ടുചെയ്തു. 12 ഡി ഫോറത്തില് അപേക്ഷ നല്കിയ മുതിര്ന്ന 5050 വോട്ടര്മാരെയാണ് വയനാട് മണ്ഡലത്തില് ഹോം വോട്ടിങ്ങ് പട്ടികയില് ഉള്പ്പെടുത്തിയത്. ഇതില് 4860 വോട്ടര്മാര് ഈ സംവിധാനം പ്രയോജനപ്പെടുത്തി. പോളിങ്ങ് ഓഫീസര്മാര് തുടങ്ങി ബൂത്ത് ലെവല് ഓഫീസര്മാര് വരെയുള്ള 89 ടീമുകളാണ് ജില്ലയില് ഹോം വോട്ടിങ്ങിന് നേതൃത്വം നല്കിയത്.
സുല്ത്താന്ബത്തേരിയില് 29 ടീമുകളും കല്പ്പറ്റ, മാനന്തവാടി നിയോജകമണ്ഡലങ്ങളില് 30 വീതം ടീമുകളെയുമാണ് ഹോം വോട്ടിങ്ങിനായിവിന്യസിച്ചത്.സ്ഥാനാര്ത്ഥികളുടെ വിവരങ്ങള് ചിത്രം സഹിതം രേഖപ്പെടുത്തിയ ബാലറ്റ് പേപ്പറില് വോട്ടര്മാര് പേന കൊണ്ട് ടിക്ക് ചെയ്ത് വോട്ട് അടയാളപ്പെടുത്തി ബാലറ്റ് പെട്ടിയില് നിക്ഷേപിക്കുന്ന രീതിയാണ് ഹോം വോട്ടിങ്ങില് അവലംബിച്ചത്.
