ഒരു ഗഡുപെന്ഷനാണ് സര്ക്കാര് അനുവദിച്ചത്. 26.62 ലക്ഷം പേരുടെ ബാങ്ക് അക്കൗണ്ടില് തുക എത്തും. മറ്റുള്ളവര്ക്കു സഹകരണ ബാങ്കുകള് വഴി വീട്ടിലെത്തിയും പെന്ഷന് തുക കൈമാറും.ഓണത്തിന്റെ ഭാഗമായി മൂന്നു ഗഡു പെന്ഷന് വിതരണം ചെയ്തിരുന്നു. ഈ സര്ക്കാര് വന്നതിനു ശേഷമാണ് 33,000 കോടിയോളം തുക ക്ഷേമ പെന്ഷന് വിതരണത്തിനായി അനുവദിച്ചതെന്ന് കെഎന് ബാലഗോപാല് പറഞ്ഞു.
ഈ മാസത്തെ വിധവാ പെന്ഷന് കൈപ്പറ്റുന്നവര് പുനര്വിവാഹിതരായിട്ടില്ലെന്ന സാക്ഷ്യപത്രം വാര്ഡ് അംഗത്തില് നിന്നും വാങ്ങി സമര്പ്പിക്കണമെന്ന നിര്ദേശം ചില തദ്ദേശസ്ഥാപനങ്ങള് നല്കിയിട്ടുണ്ട്. 62 ലക്ഷം ക്ഷേമ പെന്ഷന് ഗുണഭോക്താക്കളില് 5.88 ലക്ഷം പേര്ക്കാണ് ശരാശരി 300 രൂപവരെ സഹായം കേന്ദ്ര സര്ക്കാരില്നിന്ന് ലഭിക്കുന്നത്. കേരളത്തില് പ്രതിമാസ പെന്ഷന്ക്കാര്ക്ക് ലഭിക്കുന്നത് 1600 രൂപയും. ബാക്കി മുഴുവന് തുകയും സംസ്ഥാനമാണ് കണ്ടെത്തുന്നത്. കേന്ദ്ര സര്ക്കാര് വിഹിതത്തില് 2023 ജൂലൈ മുതലുള്ള 400 കോടി രൂപയോളം ഒക്ടോബര് വരെ കുടിശികയുണ്ടെന്നും ധനമന്ത്രി പറഞ്ഞു
