തിരുവനന്തപുരം: ബുധനാഴ്ച ജലവിതരണം മുടങ്ങും കിംസ് ആശുപത്രിക്ക് സമീപം കേരള വാട്ടര്‍ അതോറിറ്റിയുടെ 600എംഎം ഡിഐ പൈപ്പില്‍ ഉണ്ടായ ചോര്‍ച്ച പരിഹരിക്കുന്നതിനാണ് അടിയന്തര അറ്റകുറ്റപ്പണികള്‍ നടത്തുന്നത്.അറ്റകുറ്റപ്പണികള്‍ നടക്കുന്നതിനാല്‍ ബുധനാഴ്ച വിവിധയിടങ്ങളില്‍ ജലവിതരണം മുടങ്ങും.കുമാരപുരം, പൂന്തി റോഡ് , കണ്ണമൂല , നാലുമുക്ക്, അണമുഖം , ഒരുവാതില്‍ക്കോട്ട , ആനയറ , കടകംപള്ളി , കരിക്കകം,തേക്കുംമൂട് , പൊട്ടക്കുഴി , മുറിഞ്ഞപാലം , വെണ്‍പാലവട്ടം , വെട്ടുകാട്, ശംഖുമുഖം , വേളി , പൗണ്ട്കടവ് , സൗത്ത് തുമ്ബ എന്നീ പ്രദേശങ്ങളിലാണ് ജലവിതരണം തടസപ്പെടുക. ഉപഭോക്താക്കള്‍ ആവശ്യമായ മുന്‍കരുതല്‍ സ്വീകരിക്കണമെന്ന് വാട്ടര്‍ അതോറിറ്റി അറിയിച്ചു.ഈ സാഹചര്യത്തില്‍ 18 പ്രദേശങ്ങളിലാണ് കുടിവെള്ള വിതരണം മുടങ്ങുക.(2.10.2024) ബുധനാഴ്ച രാവിലെ 10 മണി മുതല്‍ വ്യാഴാഴ്ച (3.10.2024) രാവിലെ 10 മണി വരെയാണ് ജലവിതരണം മുടങ്ങുക.
