കേരളത്തിൽ പുതുക്കിയ വൈദ്യുതി നിരക്ക് വര്ധന റെഗുലേറ്ററി കമ്മീഷന് ഈ ആഴ്ച അവസാനം പ്രഖ്യാപിക്കാൻ പോകുന്നത്. നിലവിലെ യൂണിറ്റിന് ശരാശരി 4.45 ശതമാനം നിരക്ക് വര്ധനയാണ് കെഎസ്ഇബി വൈദ്യുതി റെഗുലേറ്ററി കമ്മീഷനോട് ആവശ്യപ്പെട്ടിരിക്കുന്നത്. വേനല്കാലത്തെ ഉയര്ന്ന വൈദ്യുതി ഉപഭോഗം കുറയ്ക്കുന്നതിനായി സമ്മര് താരിഫ് എന്ന ഒരു നിര്ദേശവും കമ്മീഷന് നിലവിൽ ആവശ്യപ്പെട്ടിട്ടുണ്ട്. ജനുവരി മുതല് മെയ് വരെയുള്ള മാസങ്ങളില് യൂണിറ്റിന് 10 പൈസ സമ്മര് താരിഫായി ഈടാക്കണമെന്നാണ് മുന്നോട്ടുവെക്കുന്നത്. സര്ക്കാരുമായി കൂടിയാലോചിച്ച ശേഷം ഡിസംബര് അഞ്ചിന് ഈ വര്ഷത്തെ നിരക്ക് വര്ദ്ധന പ്രഖ്യാപിക്കാനാണ് നീക്കം. ഉപതെരഞ്ഞെടുപ്പിനിടെ നിരക്ക് വര്ധനവ് പ്രഖ്യാപിച്ചാല് സംഭവിച്ചേക്കാവുന്ന തിരിച്ചടി കാരണമാണ് നിരക്ക് വര്ധിപ്പിക്കാനുള്ള തീരുമാനം നീണ്ടത്.
