സെപ്റ്റംബർ 5-ന് രാജ്യതലസ്ഥാനമായ ന്യൂഡൽഹിയിൽ നടത്താൻ നിശ്ചയിച്ചിരുന്ന രണ്ടാംഘട്ട പ്രക്ഷോഭം കോക്ക്റോച്ച് ജനതാ പാർട്ടി (സിജെപി) ഔദ്യോഗികമായി പിൻവലിച്ചു. ജൂലൈ 20-ന് ജന്തർ മന്തറിൽ നടന്ന പ്രതിഷേധവുമായി ബന്ധപ്പെട്ട് സമരം ചെയ്ത വിദ്യാർത്ഥികൾക്കും പ്രതിഷേധക്കാർക്കും എതിരെ രജിസ്റ്റർ ചെയ്ത ക്രിമിനൽ എഫ്.ഐ.ആറുകൾ പിൻവലിക്കാമെന്ന് കേന്ദ്ര സർക്കാരും ഡൽഹി പോലീസും സുപ്രീം കോടതിയിൽ ഉറപ്പുനൽകിയതിനെ തുടർന്നാണ് ഈ തീരുമാനം.
