മുണ്ടക്കൈ – ചൂരൽമല ദുരന്തത്തെ അതിതീവ്ര ദുരന്തമായി കേന്ദ്രസർക്കാർ പ്രഖ്യാപിച്ചതിൽ പ്രതികരണവുമായി വയനാട് എംപി പ്രിയങ്ക ഗാന്ധി രംഗത്തെത്തുകയുണ്ടായി. കേന്ദ്ര സർക്കാരിന്റെ ഈ തീരുമാനത്തിൽ സന്തോഷമെന്നും ഇനി ഫണ്ടുകൾ എത്രയും വേഗം അനുവദിക്കണമെന്നും പ്രിയങ്ക ഗാന്ധി ‘എക്സി’ൽ കുറിക്കുകയുണ്ടായി. ‘അമിത് ഷാ ഒടുവിൽ ഈ തീരുമാനം എടുത്തതിൽ വളരെയധികം സന്തോഷം. ദുരിതം അനുഭവിച്ച നിരവധി ജനവിഭകൾക്ക്, പുനരധിവാസത്തിനും മറ്റുമായി ഈ പ്രഖ്യാപനം വളരെയധികം സഹായിക്കും. ഇനി എത്രയും വേഗം ഫണ്ടുകളും മറ്റും അനുവദിക്കുക കൂടി വേണം’ എന്ന് പ്രിയങ്ക എക്സിൽ കുറിക്കുകയുണ്ടായി.
