ന്യൂഡല്ഹി: ഡല്ഹി മീററ്റ് എക്സ്പ്രസ് വേയില് ഗാസിപൂര് അതിര്ത്തിയില് വെച്ചാണ് പൊലീസ് രാഹുലിനെയും സംഘത്തെയും തടഞ്ഞത്.അതിര്ത്തിയിലും സമീപപ്രദേശങ്ങിലും യുപി പൊലീസ് കനത്ത സുരക്ഷയാണ് ഏര്പ്പെടുത്തിയിട്ടുള്ളത്. കോണ്ഗ്രസ് സംഘത്തെ തടഞ്ഞതിനെത്തുടര്ന്ന് അതിര്ത്തിയില് വന് ഗതാഗതക്കുരുക്കുണ്ടായി.ഇതിനു പിന്നാലെ നിരവധി കോണ്ഗ്രസ് പ്രവര്ത്തകര് സ്ഥലത്ത് തടിച്ചു കൂടി.
രാവിലെ 10.15 ഓടെയാണ് രാഹുലും സംഘവും സംഭാലിലേക്ക് പുറപ്പെട്ടത് ഉത്തര്പ്രദേശിലെ സംഭാലില് സന്ദര്ശനം നടത്താന് പുറപ്പെട്ട കോണ്ഗ്രസ് നേതാക്കളായ രാഹുല്ഗാന്ധി, പ്രിയങ്കാ ഗാന്ധി തുടങ്ങിയവരെ പൊലീസ് തടഞ്ഞു.കോണ്ഗ്രസ് പ്രവര്ത്തകരെ തടയാനായി വന് ബാരിക്കേഡുകള് അടക്കം നിരത്തിയാണ് പൊലീസ് പ്രതിരോധം തീര്ത്തത്.രാഹുലിനും പ്രിയങ്കയ്ക്കുമൊപ്പം ഉത്തര്പ്രദേശിലെ കോണ്ഗ്രസ് എംപിമാരും, എഐസിസി സംഘടന ചുമതലയുള്ള ജനറല് സെക്രട്ടറി കെ സി വേണുഗോപാലും സംഘത്തിലുണ്ട്.
യാത്രയിലെ രാഹുല് ഗാന്ധിയുടെ പ്രവര്ത്തനങ്ങള് സൂക്ഷ്മമായി നിരീക്ഷിക്കാനും ഉദ്യോഗസ്ഥര്ക്ക് നിര്ദേശം നല്കിയിട്ടുണ്ട്. രണ്ട് ദിവസം മുന്പ് സംഭാല് സന്ദര്ശിക്കാന് ഒരുങ്ങിയ കോണ്ഗ്രസ് നേതാക്കളെ യുപി പൊലീസ് തടഞ്ഞിരുന്നു. തുടര്ന്ന് സ്ഥലത്ത് വലിയ സംഘര്ഷാവസ്ഥയും ഉടലെടുത്തിരുന്നു. സിവില് കോടതി ഉത്തരവിന്റെ അടിസ്ഥാനത്തില് ഉദ്യോഗസ്ഥര് സര്വേയ്ക്ക് എത്തിയപ്പോള് സംഭല് ഷാഹി ജുമാ മസ്ജിദ് പരിസരത്ത് വ്യാപക പ്രതിഷേധമാണ് നിലനിൽക്കുന്നത്
