മോസ്കോ: റഷ്യന് പ്രസിഡന്റ് വ്ലാഡിമിര് പുടിന് ഉടന് തന്നെ ഇന്ത്യയിലേക്ക്. ഇന്ത്യ സന്ദര്ശിക്കാനുള്ള പ്രധാനമന്ത്രി നരേന്ദ്ര മോദിയുടെ ക്ഷണം പുടിന് സ്വീകരിച്ചു. സന്ദര്ശനത്തിനുള്ള ഒരുക്കങ്ങള് പുരോഗമിക്കുകയാണെന്ന് റഷ്യന് വിദേശകാര്യമന്ത്രി സെര്ജി ലാവ്റോവ് പറഞ്ഞു.
എന്നാല്, സന്ദര്ശന തീയതികള് ഇതുവരെ പറഞ്ഞിട്ടില്ല. 2022 ല് യുക്രൈന് യുദ്ധം ആരംഭിച്ചശേഷം ഇതാദ്യമായിട്ടാണ് പുടിന് ഇന്ത്യ സന്ദര്ശിക്കാനൊരുങ്ങുന്നത്. മൂന്നാമതും അധികാരമേറ്റശേഷം നരേന്ദ്രമോദി ആദ്യം സന്ദര്ശിക്കാന് തെരഞ്ഞെടുത്തത് റഷ്യയാണ്. ഇനി ഞങ്ങളുടെ ഊഴമാണ്. സെര്ജി ലാവ്റോവ് പറഞ്ഞു.റഷ്യന് ഇന്റര്നാഷണല് അഫയേഴ്സ് കൗണ്സില് സംഘടിപ്പിച്ച ‘റഷ്യയും ഇന്ത്യയും ഒരു പുതിയ ഉഭയകക്ഷി അജണ്ട’ എന്ന കോണ്ഫറന്സില് നടത്തിയ പ്രസംഗത്തിലാണ് പുടിന് ഇന്ത്യ സന്ദര്ശിക്കാനുള്ള ക്ഷണം അംഗീകരിച്ച കാര്യം ലാവ്റോവ് പുറത്ത് പറഞ്ഞത് .
ഇത് യുദ്ധത്തിന്റെ കാലഘട്ടമല്ലെന്ന് നരേന്ദ്രമോദി പുടിനോട് ആവര്ത്തിച്ച് പറഞ്ഞിട്ടുണ്ടെങ്കിലും, യുക്രെയ്ന് യുദ്ധത്തില് ഇന്ത്യ നിഷ്പക്ഷ നിലപാടാണ് സ്വീകരിച്ചത്. റഷ്യയെ അപലപിച്ചുകൊണ്ട് ഐക്യരാഷ്ട്രസഭ പാസാക്കിയ പ്രമേയങ്ങളില് നിന്നും ഇന്ത്യ വിട്ടുനിന്നുവെന്നും സെര്ജി ലാവ്റോവ് പറഞ്ഞു
