കുവൈത്ത് സിറ്റി:ഇന്ത്യൻ പാസ്പോർട്ടിന് അപേക്ഷിക്കുമ്പോൾ അന്താരാഷ്ട്ര മാനദണ്ഡങ്ങൾ നിർബന്ധമായും പാലിക്കണമെന്ന് കുവൈത്തിലെ ഇന്ത്യൻ എംബസി അറിയിച്ചു.ലോകമെമ്പാടുമുള്ള യാത്രാ രേഖകൾക്ക് ബയോമെട്രിക്, തിരിച്ചറിയൽ മാനദണ്ഡങ്ങൾ നിശ്ചയിക്കുന്ന ഇൻ്റർനാഷണൽ സിവിൽ ഏവിയേഷൻ ഓർഗനൈസേഷൻ്റെ (ICAO) മാർഗ്ഗനിർദ്ദേശങ്ങൾക്കനുസരിച്ചാണ് ഈ മാറ്റം.
അപേക്ഷകർ 630 x 810 പിക്സൽ വലുപ്പമുള്ള കളർ ഫോട്ടോയാണ് സമർപ്പിക്കേണ്ടത്. ഫോട്ടോയിൽ തല 80 മുതൽ 85 ശതമാനം വരെ വരുന്ന രീതിയിൽ മുഖം വ്യക്തമായി കാണിക്കണം. ഫോട്ടോയുടെ പശ്ചാത്തലം വെളുത്തതായിരിക്കണം.കൂടാതെ, കണ്ണുകൾ തുറന്നിരിക്കണം. കണ്ണടകൾ, ഹെഡ്ഫോണുകൾ തുടങ്ങിയവ വച്ച് കണ്ണുകൾ മറയ്ക്കാൻ പാടില്ല.
തിളക്കമോ ചുവപ്പ് നിറമോ ഉണ്ടാകരുത്. വായ അടച്ച നിലയിലായിരിക്കണം. മതപരമായ കാരണങ്ങളാൽ തല മറയ്ക്കുന്ന വസ്ത്രങ്ങൾ ധരിക്കാൻ അനുവാദമുണ്ട്.
