കാസർകോട്: ദേശീയപാതയുടെ നടുവിൽ ലോറി നിർത്തി കിടന്നുറങ്ങിയ ഡ്രൈവറെ കുമ്പള പോലീസ് കസ്റ്റഡിയിലെടുത്തു. തമിഴ്നാട് തഞ്ചാവൂർ സ്വദേശി ബാലസുബ്രഹ്മണ്യനാണ് പിടിയിലായത്.
ഇന്നലെ രാത്രി ഒമ്പത് മണിയോടെയായിരുന്നു സംഭവം. മദ്യലഹരിയിലായിരുന്ന ബാലസുബ്രഹ്മണ്യൻ ലോറി അപകടകരമായ രീതിയിൽ ഓടിക്കുകയും, തുടർന്ന് കുമ്പള ദേവീനഗറിൽ എത്തിയപ്പോൾ നടുറോഡിൽ നിർത്തി ഉറങ്ങുകയുമായിരുന്നു. ഇയാൾ എൽ.പി.ജിയുമായി കണ്ണൂർ ഭാഗത്തേക്ക് പോവുകയായിരുന്നു.
പോലീസ് നടപടി വിവരമറിഞ്ഞ് സ്ഥലത്തെത്തിയ പോലീസ് ഡ്രൈവറെ കസ്റ്റഡിയിലെടുക്കുകയും അപകടകരമായ രീതിയിൽ നിർത്തിയിട്ടിരുന്ന ലോറി റോഡിൽ നിന്ന് മാറ്റിയിടുകയും ചെയ്തു.ഡ്രൈവറുടെ ലൈസൻസ് സസ്പെൻഡ് ചെയ്യാനുള്ള നടപടികൾ സ്വീകരിക്കുമെന്ന് പോലീസ് അറിയിച്ചു.
