മലപ്പുറം: മലപ്പുറം ചെറായിയിൽ പുഴയിൽ മുക്കി വയോധികനെ കൊലപ്പെടുത്താൻ ശ്രമിച്ച സംഭവത്തിൽ പ്രതി അറസ്റ്റിൽ. കൂറ്റമ്പാറ സ്വദേശിയായ അബ്ദുസൽമാനെയാണ് (35) പൂക്കോട്ടുംപാടം പോലീസ് പിടികൂടിയത്.സംഭവത്തിൻ്റെ വിശദാംശങ്ങൾ ബുധനാഴ്ച വൈകീട്ട് ഏകദേശം 6:30-ഓടെ ചെറായി കെട്ടുങ്ങലിലെ പുഴയോരത്താണ് സംഭവം നടന്നത്.
ചെറായി സ്വദേശിയായ 70 വയസുകാരൻ കുഞ്ഞാലിയെയാണ് വധിക്കാൻ ശ്രമിച്ചത്,ഇരുവരും മീൻ പിടിക്കുന്നതിനിടെയുണ്ടായ വാക്കുതർക്കമാണ് കൊലപാതക ശ്രമത്തിൽ കലാശിച്ചത്. തർക്കത്തിനിടയിൽ അബ്ദുസൽമാൻ കുഞ്ഞാലിയെ പുഴയിൽ മുക്കി കൊലപ്പെടുത്താൻ ശ്രമിക്കുകയായിരുന്നു.
പോലീസ് നടപടി സംഭവത്തിൽ കേസെടുത്ത പൂക്കോട്ടുംപാടം പോലീസ്, അന്വേഷണത്തിന് ശേഷം പ്രതിയായ അബ്ദുസൽമാനെ അറസ്റ്റ് ചെയ്യുകയായിരുന്നു.കൊലപാതകശ്രമം, അതിക്രമം തുടങ്ങിയ വകുപ്പുകൾ ചുമത്തിയാണ് പോലീസ് പ്രതിക്കെതിരെ കേസെടുത്തിട്ടുള്ളത്
