പാലക്കാട്: യാത്രക്കാരുടെ ദീർഘകാലമായുള്ള ആവശ്യം യാഥാർത്ഥ്യമാക്കി കെ.എസ്.ആർ.ടി.സി.യുടെ പാലക്കാട്-ഗൂഡല്ലൂർ റൂട്ടിലെ ആദ്യ സർവീസ് ആരംഭിച്ചു. രാഹുൽ മാങ്കൂട്ടത്തിൽ എം.എൽ.എ. സർവീസ് ഫ്ലാഗ് ഓഫ് ചെയ്തു.ദിവസവും രാവിലെ 7.45-ന് പാലക്കാട് ഡിപ്പോയിൽ നിന്ന്.മണ്ണാർക്കാട്-വഴിക്കടവ്-നിലമ്പൂർ വഴിയാണ് ബസ് ഗൂഡല്ലൂരിലേക്ക് എത്തുക.
ഉച്ചയ്ക്ക് 12.20-ന്. ഉച്ചയ്ക്ക് 1.30-ന് ഗൂഡല്ലൂരിൽ നിന്ന് പുറപ്പെട്ട് വൈകിട്ട് 6.05-ന് പാലക്കാട് ഡിപ്പോയിൽ എത്തിച്ചേരും.പാലക്കാട് നിന്ന് ഗൂഡല്ലൂരിലേക്ക് ബസ് സർവീസ് വേണമെന്ന യാത്രക്കാരുടെ തുടർച്ചയായ ആവശ്യം പരിഗണിച്ച് ഗതാഗത മന്ത്രിയെ നേരിൽ കണ്ട് ആവശ്യപ്പെട്ടതിനെ തുടർന്നാണ് സർവീസിന് അനുമതി ലഭിച്ചതെന്ന് രാഹുൽ മാങ്കൂട്ടത്തിൽ എം.എൽ.എ. വ്യക്തമാക്കി.
വരും ദിവസങ്ങളിൽ കൂടുതൽ പുതിയ സംസ്ഥാനാന്തര സർവീസുകൾ ആരംഭിക്കുമെന്നും അദ്ദേഹം കൂട്ടിച്ചേർത്തു.പരിപാടിയിൽ ജില്ലാ ട്രാൻസ്പോർട്ട് ഓഫിസർ ജോഷി ജോൺ, യൂണിയൻ ഭാരവാഹികളായ സന്തോഷ് കുമാർ, രവി കണ്ണാടി എന്നിവർ പങ്കെടുത്തു.
