ഫുജൈറ: ട്രെയിനിയുമായി പരിശീലന വിമാനം പറത്തുകയായിരുന്ന ഫ്‌ലൈറ്റ് ഇന്‍സ്ട്രക്ടറാണ് കൊല്ലപ്പെട്ടത്. പരിശീലനമായിരുന്നു വിമാനമായിരുന്നു തകര്‍ന്നത്.വിമാനത്തിലുണ്ടായിരുന്ന ട്രെയിനിയെ ഇപ്പോഴും കണ്ടെത്തിയിട്ടില്ല. ട്രെയിനിക്കും വിമാനത്തിന്റെ അവശിഷ്ടങ്ങള്‍ക്കുമായി രക്ഷാസംഘം തിരച്ചില്‍ തുടരുകയാണ്.ഇന്‍സ്ട്രക്ടറുടെ മൃതദേഹം ഫുജൈറ തീരത്ത് കണ്ടെത്തി. ഇരുവരും വിദേശ പൗരന്മാരാണ്.
പരിശീലന വിമാനം അപകടത്തില്‍പ്പെട്ട റിപ്പോര്‍ട്ട് വ്യോമയാന അതോറിറ്റിക്ക് ലഭിച്ചതോടെ ഇത് സംബന്ധമായി അന്വേഷണം ആരംഭിച്ചതായി സിവില്‍ ഏവിയേഷന്‍ അതോറിറ്റി അധികൃതര്‍ പറഞ്ഞു. പറന്നുയര്‍ന്ന് 20 മിനിറ്റിനുള്ളില്‍ വിമാനത്തിന്റെ റഡാര്‍ ബന്ധം നഷ്ടപ്പെട്ടു. അപകടത്തിന്റെ കാരണം കണ്ടെത്താന്‍ അന്വേഷണം നടക്കുകയാണ്. തിരച്ചില്‍, രക്ഷാപ്രവര്‍ത്തനങ്ങളുടെ പുരോഗതി നിരീക്ഷിക്കാന്‍ ബന്ധപ്പെട്ട അധികാരികളുമായി ഏകോപിപ്പിച്ച്‌ വരികയാണെന്നും വ്യോമയാന അതോറിറ്റി വ്യക്തമാക്കി.
