ആലപ്പുഴ: മീൻ പിടിക്കാൻ പോയ യുവാവ് ഷോക്കേറ്റ് മരിച്ചു.തിങ്കളാഴ്ച രാത്രിയാണ് സുഹൃത്തുക്കള്‍ക്ക് ഒപ്പം ഇയാള്‍ മീൻപിടിക്കാൻ പോയത്. തുടർന്ന് ഏറെ നേരമായി രാഹുലിനെ കാണാതിരുന്നതോടെ സുഹൃത്തുക്കള്‍ അന്വേഷിച്ച്‌ എത്തിയപ്പോളാണ് ഷോക്കേറ്റ് കിടക്കുന്നത് ശ്രദ്ധയില്‍പ്പെട്ടത്.ആലപ്പുഴ നൂറനാട് പാലമേല്‍ സ്വദേശി രാഹുല്‍ രാജ് (32) ആണ് മരിച്ചത്.പന്നിയെ പിടിക്കാനായി അനധികൃതമായി സ്ഥാപിച്ചിരുന്ന വൈദ്യുതി വേലിയില്‍ നിന്നാണ് ഷോക്കേറ്റത്. ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. ബന്ധുക്കളുടെ പരാതിയില്‍ പോലീസ് കേസെടുത്തിട്ടുണ്ട്.
