പാലക്കാട്:പാലക്കാട് ധോണിയിൽ തുടർച്ചയായ മൂന്നാം ദിവസമാണ് ജനവാസ മേഖലയിൽ പുലിയിറങ്ങുന്നത്.കഴിഞ്ഞദിവസം ധോണിയിൽ പുലി ആടിനെ ആക്രമിച്ചു.മേലെ ധോണിയിലെ സുധയുടെ ഉടമസ്ഥതയിലുള്ള ആടിനെയാണ് രാത്രിയിൽ പുലി ആക്രമിച്ചത്.കൂടാതെ രണ്ട് ദിവസം മുൻപ് ധോണി മായാപുരത്ത് പുലിയിറങ്ങി കോഴിയെ പിടികൂടിയിരുന്നു.വീടിനോട് ചേർന്ന് കെട്ടിയിരുന്ന ആടിന്റെ കഴുത്തിനാണ് പുലിയുടെ കടിയേറ്റത്. കൂടാതെ ഇന്നലെ പ്രദേശത്ത് ഒരു നായയെയും പുലി ആക്രമിച്ചിരുന്നു. പുലിഭീതി ഒഴിവാക്കാൻ പ്രദേശത്ത് പുലിക്കെണി സ്ഥാപിക്കണമെന്ന് നാട്ടുകാരുടെ ആവശ്യം.
