തിരുവനന്തപുരം: പുതിയ മുഖ്യമന്ത്രിയെ നിശ്ചയിക്കുന്നതിനുള്ള എഐസിസി നിരീക്ഷകരുടെ നിർണ്ണായക ചർച്ചകൾ തലസ്ഥാനത്ത് പുരോഗമിക്കുന്നു. കെ. സുധാകരൻ, വി.എം. സുധീരൻ, കൊടിക്കുന്നിൽ സുരേഷ് തുടങ്ങിയ പ്രമുഖ നേതാക്കളുമായി നിരീക്ഷകർ ഇതിനകം കൂടിക്കാഴ്ച നടത്തി. പി.ജെ. കുര്യൻ, മാത്യു കുഴൽനാടൻ എന്നിവരും ചർച്ചകൾക്കായി തിരുവനന്തപുരത്ത് എത്തിയിട്ടുണ്ട്.
എംഎൽഎമാർ ഓരോരുത്തരായി എത്തുന്നതോടെ വ്യക്തിഗത അഭിപ്രായ രൂപീകരണം ആരംഭിക്കും.അതേസമയം, 2021-ലെ സാഹചര്യം ആവർത്തിക്കരുതെന്ന് മുതിർന്ന നേതാക്കൾ നിരീക്ഷകർക്ക് കർശന നിർദ്ദേശം നൽകി. രമേശ് ചെന്നിത്തലയെ പ്രതിപക്ഷ നേതൃസ്ഥാനത്ത് നിന്ന് മാറ്റിയ രീതി ശരിയായില്ലെന്നും, പുതിയ മുഖ്യമന്ത്രിയെ തീരുമാനിക്കുമ്പോൾ എല്ലാ വിഭാഗങ്ങളെയും വിശ്വാസത്തിലെടുക്കണമെന്നും നേതാക്കൾ ആവശ്യപ്പെട്ടു.
