സ്റ്റോക്ക്ഹോം: 2026-ലെ സമാധാനത്തിനുള്ള നൊബേൽ പുരസ്കാരം പ്രമുഖ മനുഷ്യാവകാശ പ്രവർത്തകയും നിയമവിദഗ്ധയുമായ നവനീതം ‘നവി’ പിള്ളയ്ക്ക്. അന്താരാഷ്ട്ര നിയമവ്യവസ്ഥയുടെ ശക്തിപ്പെടുത്തലിനും മനുഷ്യാവകാശ സംരക്ഷണത്തിനും നൽകിയ സമഗ്ര സംഭാവനകൾ പരിഗണിച്ചാണ് പുരസ്കാരം. തമിഴ് വംശജയായ ഇവർ ദക്ഷിണാഫ്രിക്കൻ പൗരയാണ്.
ഐക്യരാഷ്ട്രസഭയുടെ മനുഷ്യാവകാശ വിഭാഗം മുൻ ഹൈക്കമ്മീഷണറായ നവി പിള്ള, നിലവിൽ പലസ്തീനുമായി ബന്ധപ്പെട്ട യുഎൻ സ്വതന്ത്ര അന്വേഷണ കമ്മീഷന്റെ അധ്യക്ഷയായി പ്രവർത്തിച്ചുവരികയാണ്. അന്താരാഷ്ട്ര ക്രിമിനൽ കോടതി (ഐസിസി) ജഡ്ജിയായും റുവാണ്ടയിലെ കൂട്ടക്കൊല അന്വേഷിച്ച യുഎൻ അന്താരാഷ്ട്ര ക്രിമിനൽ ട്രൈബ്യൂണലിന്റെ അധ്യക്ഷയായും അവർ നിർണായക സേവനം അനുഷ്ഠിച്ചിട്ടുണ്ട്.
യുദ്ധക്കുറ്റങ്ങൾ വിചാരണ ചെയ്യുന്നതിനും അന്താരാഷ്ട്ര തലത്തിൽ നീതിയും മനുഷ്യാവകാശങ്ങളും ഉറപ്പാക്കുന്നതിനും നൽകിയ നിർണായകമായ പങ്കാണ് നവി പിള്ളയെ ലോകത്തിലെ ഏറ്റവും വലിയ ആദരവിന് അർഹയാക്കിയത്.
