കൊച്ചി: ഇന്നലെ രാവിലെ കാണാതായ കുട്ടികളെ തിരുവനന്തപുരത്ത് നിന്നും കണ്ടെത്തി.കുട്ടികൾ റെയിൽവേ സ്റ്റേഷൻ പരിസരത്ത് ഇവർ കുറങ്ങി നടക്കുന്നത് പൊലീസിന്റെശ്രദ്ധയിൽപെടുകയായിരുന്നു. സ്ഥലം കാണാനിറങ്ങിയതാണ് എന്നാണ് കുട്ടികൾ പറഞ്ഞിരിക്കുന്നത്. ഇവരുടെ കൈവശം വസ്ത്രങ്ങൾ നിറച്ച ബാഗുമുണ്ടായിരുന്നു.
ലാസർ മാർക്കറ്റിന് സമീപം താമസിക്കുന്ന ഷമീറിന്റെ മക്കളായ പതിഞ്ചുകാരൻ മുഹമ്മദ് അഫ്രീദിനെയും പതിമൂന്നുകാരൻ മുഹമ്മദ് ഹഫീസിനെയും അയൽവാസിയായ ഫറാദിന്റെ മകൻ 15 വയസുള്ള അദീൻ മുഹമ്മദിനെയും ഇന്നലെ രാവിലെ മുതലാണ് കാണാതായത്. ട്രെയിനിൽ കയറി വിദ്യാർഥികൾ പോയതായാണ് പൊലീസിന് ലഭിച്ച സൂചന.വീട്ടിൽ നിന്ന് 2000 രൂപയുമായാണ് വിദ്യാർത്ഥികൾ ഇറങ്ങിയത്.
ഗോവയിലേക്ക് പോകുന്നതിനെ കുറിച്ച് വിദ്യാർഥികൾ സംസാരിച്ചതായും ഫോണിൽ ഗോവയിലേക്കുള്ള ദൂരം സെർച്ച് ചെയ്തതതായും പൊലീസ് കണ്ടെടുത്തിരുന്നു. എന്നാൽ കുട്ടികളുടെ യാത്രയുടെ ലക്ഷ്യമെന്തായിരുന്നു എന്നുള്ളതിനെക്കുറിച്ച് വ്യക്തതയില്ല. കുട്ടികളുടെ മാതാപിതാക്കൾ ഫോർട്ട് കൊച്ചിയിൽ നിന്ന് തിരുവനന്തപുരത്തേക്ക് തിരിച്ചിട്ടുണ്ട്
