കൊല്ലം: രേഖകളില്ലാതെ കടത്തിക്കൊണ്ടുവന്ന 15,10,000 രൂപ ആര്യങ്കാവ് ചെക് പോസ്റ്റിൽ പരിശോധനയ്ക്കിടെ പിടികൂടി. രേഖകളില്ലാതെ കടത്തിക്കൊണ്ട് വരവെയാണ് പിടികൂടിയത്.വരുദനഗർ സ്വദേശി പാണ്ഡ്യൻ എന്നയാളാണ് പിടിയിലായത്. ഇയാൾ TN 05 AU 4793 എന്ന നമ്ബർ രജിസ്ട്രേഷനിലുള് സ്കോർപ്പിയോയിലാണ് ആര്യങ്കാവ് ചെക്ക്‌പോസ്റ്റിലെത്തിയത്.
കാക്കി കണ്ട് പരുങ്ങിയപ്പോൾ നടത്തിയ പരിശോധനയിലാണ് പണം കണ്ടെത്തിയത്. എക്സൈസ് ഇൻസ്പെക്ടർ ആർ രജിത്തിന്റെ നേത്യത്വത്തിലായിരുന്നു വാഹന പരിശോധന. അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്)മാരായ ഗോപൻ, പ്രേം നസീർ, പ്രിവന്റീവ് ഓഫീസർ (ഗ്രേഡ്)മാരായ സജീവ്, സന്ദീപ് കുമാർ, ശ്രീലേഷ് എന്നിവരും ട്രെയിനിങ് ഇൻസ്പെക്ടർമാരായ മിഥുൻ അജയ്, അഫ്സൽ, ബിസ്മി ജസീറ, ആൻസി ഉസ്മാൻ എന്നിവരും പങ്കെടുത്തു
