ഓട്ടോറിക്ഷയിൽ മീറ്റര് പ്രവര്ത്തിപ്പിച്ചില്ലെങ്കില് ‘മീറ്റര് ഇട്ടില്ലെങ്കില് യാത്ര സൗജന്യം’ ഉത്തരവ് പിൻവലിച്ച് ഗതാഗത വകുപ്പ്. സ്റ്റിക്കര് പതിക്കാത്ത ഓട്ടോറിക്ഷകളുടെ ഫിറ്റ്നസ് റദ്ധാക്കുമെന്നും മോട്ടോര് വാഹന വകുപ്പ് മുൻപ് അറിയിച്ചിരുന്നു. ഇതിന്റെ ഭാഗമായി കഴിഞ്ഞ ദിവസങ്ങളില് ഫിറ്റ്നസ് ‘പരീക്ഷ’യില് സ്റ്റിക്കറില്ലാതെ ഹാജരാക്കിയ ഓട്ടോകളെ വെഹിക്കിള് ഇന്സ്പെക്ടര്മാര് പരാജയപ്പെടുത്തിയിരുന്നു.മാര്ച്ച് ഒന്ന് മുതലാണ് ‘മീറ്റര് ഇട്ടില്ലെങ്കില് യാത്ര സൗജന്യം’ എന്ന സ്റ്റിക്കര് നിര്ബന്ധമാക്കി ഉത്തരവ് ഇറക്കിയത്. ഈ നിയമത്തിനു ഓട്ടോ തൊഴിലാളികള്ക്കിടയില് പ്രതിഷേധം വ്യാപകമായിരുന്നു.
